Suriya 44 : அடுத்தடுத்து வெளியாகி வரும் சூர்யா 44 வது படத்தின் தகவல்கள்!

சூர்யாவின் 44 படத்தை கார்த்திக் சுப்பராஜ் இயக்கி வருகிறார். இப்படத்தை சூர்யாவும் கார்த்திக் சுப்பாராஜும் இணைந்து தயாரித்து வருகின்றனர்.

படத்தின் ஃபர்ஸ்ட் லுக் போஸ்டர் மற்றும் டீசர் இம்மாதம் வெளியாகும் என நெருங்கிய சினிமா வட்டாரங்கள் தெரிவிக்கின்றன.

இப்படத்தில் உறியடி விஜய் குமார் வில்லனாக நடிக்க உள்ளதாக கூறப்பட்டு வந்த நிலையில், தற்போது இயக்குநர் தமிழ் முக்கியமான கதாபாத்திரத்தில் நடிக்க உள்ளார் என தகவல் பரவி வருகிறது.

தற்போது அந்தமானில் மிக தீவிரமாக படப்பிடிப்பு நடைபெற்று வருகிறது. அடுத்த வாரத்தில் படப்பிடிப்பு முடிந்து விடலாம் எனவும் கூறப்படுகிறது.

இதன்பிறகு படத்தின் படப்பிடிப்பு சென்னை மற்றும் ஊட்டியில் நடக்கலாம் எனவும் நெருங்கிய சினிமா வட்டாரங்கள் தெரிவிக்கின்றன.