Drishyam : ஹாலிவுட்டில் ரீ மேக் செய்யப்படும் முதல் இந்திய படம்..வரலாறு படைக்கும் திரிஷ்யம்!

ஜீத்து ஜோசப் இயக்கத்தில் 2013ம் ஆண்டு மலையாளத்தில் வெளியான சூப்பர் ஹிட் திரைப்படம் 'திரிஷ்யம்'.

மோகன் லால், மீனா முக்கிய கதாபாத்திரத்தில் நடித்திருந்தனர்.

அதன் வெற்றியை தொடர்ந்து தமிழ், தெலுங்கு, கன்னடம் மற்றும் இந்தியில் வெளியாகி அனைத்து மொழிகளிலும் நல்ல வரவேற்பை பெற்றது.

தமிழில் 'பாபநாசம்' என்ற பெயரில் ரீ மேக் செய்யப்பட்டது. இதில் கமல்ஹாசன், கௌதமி முக்கிய கதாபாத்திரத்தில் நடித்திருந்தனர்.

மலையாளத்தில் 'திரிஷ்யம்' இரண்டாம் பாகம் வெளியாகி நல்ல வரவேற்பை பெற்றதை தொடர்ந்து தற்போது மூன்றாம் பாகத்தை தமிழ், தெலுங்கு மற்றும் கன்னட மொழிகளிலும் வெவ்வேறு முன்னணி நடிகர்களை வைத்து ரீ மேக் செய்ய முடிவெடுக்கப்பட்டுள்ளது.  

இந்நிலையில் 'திரிஷ்யம்' படத்தின் முதல் மற்றும் இரண்டாம் பாகத்தை ஹாலிவுட்டில் ரீமேக் செய்யும் உரிமையை பனோரமா ஸ்டுடியோஸ் நிறுவனம் கைப்பற்றியுள்ளது. கல் ஃப்ஸ்ட்ரீம் நிறுவனத்துடன் இணைந்து ரீமேக் செய்யப்பட உள்ளது.

ஒரு இந்திய திரைப்படம் ஹாலிவுட்டில் ரீமேக் செய்யப்படுவது இதுவே முதல்முறையாகும்.

கடந்த ஆண்டு இப்படத்தை கொரியன் மொழியில் ரீ மேக் செய்வதற்கான உரிமையை பனோரமா ஸ்டுடியோஸ் பெற்றது என்பது குறிப்பிடத்தக்கது.