உன்னுடைய அன்பும் - அரவணைப்பும் இல்லை! 3-ஆவது திருமண நாளில் கலங்க வைத்த ஸ்ருதி சண்முகப்பிரியாபதிவு!
சன் தொலைக்காட்சியில் ஒளிபரப்பான நாதஸ்வரம் சீரியல் மூலமாக பிரபலமானவர் நடிகை ஸ்ருதி சண்முகப்பிரியா.
அதன் பிறகு வாணி ராணி, கல்யாண பரிசு, பாரதி கண்ணம்மா, பொம்முகுட்டி அம்மாவுக்கு என்று பல சீரியல்களில் நடித்தார்.
அதுமட்டுமின்றி பல பாடல்களுக்கும் ரீல்ஸூம் போட்டு பிரபலமானவர். சீரியலில் பிசியாக நடித்து கொண்டிருக்கும் போதே ஸ்ருதி சண்முகப்பிரியா கடந்த 2022 ஆம் ஆண்டு மே 27ஆம் தேதி சிவில் இன்ஜினியரான அரவிந்த் சேகரை திருமணம் செய்து கொண்டார்.
ஆனால், இவர்களது திருமண வாழ்க்கை முழுமையாக 2 ஆண்டுகளை கூட நிலைக்கவில்லை. கடந்த 2023 ஆம் ஆண்டு ஆகஸ்ட் மாதம் அரவிந்த் சேகர் மாரடைப்பு காரணமாக உயிரிழந்தார்.
இந்த நிலையில் தான் ஸ்ருதி சண்முகப்பிரியா இன்று தனது 3-ஆம் ஆண்டு திருமண நாளை நினைவு கூறும் விதமாக சோஷியல் மீடியாவில் உருக்கமான பதிவு ஒன்றை போட்டுள்ளார்.
அதில், இனிய 3ஆம் ஆண்டு திருமண நாள் வாழ்த்துக்கள் அரவிந்த் சேகர். நீ என்னருகில் இல்லாததை நான் இன்று உணர்கிறேன். ஆனால், நாம் இருவரும் உருவாக்கிய நினைவுகளுடன் நம் உலகத்தில் வாழ்கிறேன். உன்னுடைய அன்பும், அரவணைப்பும் இன்று எனக்கு இல்லை.
நீ வாங்கிக்கொடுக்கும் பூவை மிஸ் பண்ணுகிறேன் என் உருக்கமாக பதிவிட்டுள்ளார்.
3 ஆண்டுகளுக்கு முன்பு இதே நாளில் நமது எதிர்காலம் குறித்து ஏராளமான கனவுகளுடனும், கற்பனைகளுடனும் நாம் நமது வாழ்க்கையை ஆரம்பித்தோம்.
ஆனால், இன்று நீ கற்று கொடுத்த அனுபவங்களையும், வாழ்க்கை பாடங்களையும் கொண்டு ஒவ்வொரு அடியையும் முன்னோக்கி எடுத்து வைக்கிறேன். எப்போதும் உன்னுடைய மனைவியாகவே இருப்பேன். உன்னுடைய ஸ்ருதி அரவிந்தன் என்று என்று பதிவிட்டுள்ளார்.