Soori's next : வெற்றிமாறன் - சூரி காம்போவில் மீண்டும் ஒரு படம்... இன்று மாலை வெளியாக இருக்கும் சூப்பர் அப்டேட்!

நகைச்சுவை நடிகராக முத்திரை பதித்த நடிகர் சூரி, இயக்குநர் வெற்றிமாறனின் 'விடுதலை திரைப்படம் மூலம் ஹீரோ அந்தஸ்தை பெற்றார்.

விடுதலை படத்தின் முதல் பாகம் கடந்த மார்ச் மாதம் வெளியாகும் மக்களின் ஏகோபித்த வரவேற்பை பெற்றது. ஹீரோவாக நடித்த முதல் படத்திலேயே ரசிகர்களின் ஒட்டுமொத்த பாராட்டையும் குவித்து விட்டார் நடிகர் சூரி.

விடுதலை இரண்டாம் பாகம் இந்த ஆண்டு மத்தியில் கோடை விடுமுறையை முன்னிட்டு வெளியாகும் என எதிர்பார்க்கப்படுகிறது.

விடுதலை படத்தை தொடர்ந்து வெற்றிமாறனின் திரைக்கதையில் மீண்டும் நடிக்க உள்ளார் நடிகர் சூரி. இப்படத்தை துரை செந்தில்குமார் இயக்க உள்ளார்.

இந்த புதிய படத்தின் டைட்டில் மற்றும் பர்ஸ்ட் லுக் போஸ்டர் இன்று மாலை 5 மணிக்கு வெளியாக உள்ளது என்ற அறிவிப்பை வெளியிட்டுள்ளது படக்குழு.

யுவன் ஷங்கர் ராஜா இசையமைக்க இருக்கும் இப்படத்தில் சசிகுமார் சமுத்திரக்கனி மற்றும் மைம் கோபி உள்ளிட்டோர் முக்கிய கதாபாத்திரத்தில் நடிக்க இருப்பதாக கூறப்படுகிறது.