Salaar OTT Release : ஓடிடி ரிலீஸிற்கு ரெடியான பிரபாஸின் சலார்!

கே.ஜி.எஃப் புகழ் பிரஷாந்த் நீல், பிரபாஸ், பிரித்திவிராஜ் சுகுமாரன் உள்ளிட்ட பல நடிகர்களை வைத்து சலார் படத்தை இயக்கினார்.

பெரும் பட்ஜெட்டில் உருவாகிய இப்படம் குறித்து பெரிய எதிர்ப்பார்ப்பு நிலவி வந்தது. தொடர் தோல்விகளை சந்தித்து வந்த பிரபாஸிற்கு சலார், கைக்கொடுக்கும் என நம்பப்பட்டது.

கடந்தாண்டு செப்டம்பர் மாதமே வெளியாகவிருந்த சலார், ஒரு சில காரணங்களால் டிசம்பர் 22 ஆம் தேதி வெளியானது.

கலவையான விமர்சனங்களை பெற்றாலும் இது, உலகளவில் சுமார் 610 கோடி ரூபாயை வசூல் செய்துள்ளது.

இந்நிலையில், பிரபல ஓடிடி தளமான நெட்ஃபிளிக்ஸில் சலார் 20 ஆம் தேதி வெளியாகவுள்ளது என்ற அதிகாரப்பூர்வ அறிவிப்பு வந்துள்ளது.

தெலுங்கு, தமிழ், மலையாளம், கன்னடம் ஆகிய நான்கு மொழிகளின் வெர்ஷனை நெட்ஃபிளிக்ஸில் காணமுடியும் என்பது குறிப்பிடத்தக்கது.