Shaktimaan Movie Update : திரைப்படமாக உருவாகவிருக்கும் சக்திமான் தொடர்..எவ்வளவு கோடி பட்ஜெட் தெரியுமா?

1997 காலக்கட்டத்தில் தூர்தர்ஷன் தொலைக்காட்சியில் ஒளிபரப்பு செய்யப்பட்ட சக்திமான் தொடரை பாலிவுட் நடிகர் முகேஷ் கண்ணா தயாரித்து அவரே சக்திமானாகவும் நடித்திருந்தார். இந்தி மொழியில் எடுக்கப்பட்டு மற்ற மொழிகளில் டப் செய்யப்பட்டு வெளியானது.

முக்கியமாக குழந்தைகளை இந்த தொடர் கவர்ந்ததது. ‘90s குழந்தைகள் பார்த்து வளர்ந்த சக்திமான் தொடரை பிரமாண்ட சினிமா படமாக தயாரிக்க இருக்கிறோம். அது இந்த காலத்துக்கு பொருத்தமான கதையாக இருக்கும்’ என்று முகேஷ் கண்ணா கூறியிருந்தார்.

சக்திமான் பட வேலை தொடங்காமல் இருந்தது. தற்போது இந்த படத்திற்கான ஒப்பந்தம் கையெழுத்தாகியுள்ளது.

இது குறித்து பேசிய முகேஷ் கன்னா‘சக்திமான் தொடர் 200 கோடியில் இருந்து 300 கோடிவரை சர்வதேச தரத்தில் சினிமா படமாக உருவாக உள்ளது.’என தெரிவித்தார்.

மேலும் பேசிய அவர், ‘இந்த படத்தில் நான் கதாநாயகனாக நடிக்கவில்லை அதே போல் சிறப்பு தோற்றத்திலும் வரவில்லை. இந்த படத்தில் நடிக்கும் நடிகர் நடிகைகள் மற்றும் இயக்குநர் விவரங்கள் பின்னர் வெளியிடப்படும்.’என்று கூறினார்.

ஒரு வருடத்துக்கு முன்னர் இந்த படத்தின் அனிமேஷன் வீடியோ வெளியானது என்பது குறிப்பிடத்தக்கது.