Rashmika Mandhana : 'சராங்கே..’ கொரியன் லுக்கில் அசத்தும் ஜிமிக்கி பொன்னு ராஷ்மிகா!

கன்னட திரையுலகில் ‘கிரிக் பார்ட்டி’படம் மூலம் அறிமுகமானவர் ராஷ்மிகா மந்தனா. ரக்‌ஷித் ஷெட்டியுடன், தன் முதல் படத்தில் நடித்த இவர், அவரை காதலித்தார். இருவரின் காதல் உறவு நிச்சயதார்த்தம் வரை சென்று, பின் பிரிவில் முடிந்தது.

சினிமாவில் கவனம் செலுத்திய ராஷ், கன்னடத்திலிருந்து தெலுங்கு சினிமா உலகிற்கு ஜம்ப் அடித்தார். விஜய தேவரகொண்டாவுடன் நடித்த ‘கீதா கோவிந்தம்’ ஹிட்டானது. பின், இருவரின் கெமிஸ்ட்ரி ஆன் ஸ்கீரினை தாண்டி ஆஃப் ஸ்கீரினிலும் தொடர்கிறது என்ற தகவலும் வந்தது.

இதை ராஷ் முற்றிலும் மறுத்துவிட்டாலும், அந்த வதந்தி அவரை இன்னும் பின் தொடங்கி வருகிறது.

2021ல் சுல்தான் படம் மூலம் தமிழ் சினிமாவில் அறிமுகமான இவர், வாரிசு படத்தில் விஜய்க்கு ஜோடியாக நடித்தார். குட் பாய், மிஷன் மஜ்னு ஆகிய ஹிந்தி படங்களிலும் நடித்துவிட்டார்.

தற்போது, கொரியன் சீரிஸில் வரும் நடிகை போல் புது கெட்டப் போட்டு சில புகைப்படங்களை பதிவிட்டுள்ளார்

ஒரு பக்கம் இவரை நேஷனல் க்ரஷ் என்று போற்றி புகழ்ந்தாலும், மறு பக்கம் ராஷ்மிகா க்ரிஞ்மிகா என்று பலரும் ட்ரால் செய்துதான் வருகின்றனர்.