Salaar Japan Release : ஜப்பானில் வெளியாகவிருக்கும் பிரபாஸின் சலார்!

கடந்த ஆண்டு செப்டம்பர் 28 ஆம் தேதி பிரசாந்த் நீல் - பிரபாஸ் கூட்டணியில் வெளிவந்து ஹிட் கொடுத்த பான் இந்தியா திரைப்படம் சலார் பார்ட் 1.

இந்த படத்தில் பிரித்விராஜ், சுருதி ஹாசன், ஜெகபதி பாபு, பாபி சிம்ஹா, மைம் கோபி மற்றும் பலர் முக்கிய கதாபாத்திரத்தில் நடித்தனர்.

படக்கதையின் கரு : பிரித்திவிராஜ் கான்சர் என்ற ஊரை சேர்த்தவர். அங்கு நடக்கும் அரசியல் குழப்பத்தில் பிரித்திவிராஜ் சிக்கி கொள்வார். அப்போது பால்ய காலத்து நண்பனான பிரபாஸிடம் உதவி கேட்பார். பிரித்திவிராஜை, பிரபாஸ் காப்பாற்றினாரா? இல்லையா? என்பதே படத்தின் கதை.

இந்த சாதாரண கதையை இயக்குநர் பிரசாந்த் நீல் அவரின் தனித்துவமான திரைக்கதையில் இயக்கி இருந்தார். 250 கோடி ரூபாய் பட்ஜெட்டில் எடுக்கப்பட்ட சலார் படம் 700 கோடி ரூபாய் வரை வசூல் செய்தது.

தற்போது சலார் படம் வெளியாகி எட்டு மாதங்கள் கடந்த நிலையில், ஜப்பான் மொழியில் டப் செய்யப்பட்ட டீசர் வெளியாகியுள்ளது

இந்த படம் வருகின்ற ஜூலை 5 ஆம் தேதி ஜப்பானில் வெளியாகவுள்ளது என்பது குறிப்பிடத்தக்கது.