Salaar Movie: வெளியீட்டை தள்ளி வைத்த சலார் படக்குழு..ஏமாற்றத்தில் ரசிகர்கள்!

மாபெரும் வெற்றி படமான கே.ஜி.எஃப் திரைப்படத்தை இயக்கியவர் ப்ரஷாந்த் நீல். இவர் தற்போது பிரபாஸுடன் சலார் படத்திற்காக கைக்கோர்த்துள்ளார்.

இப்படத்தில் ப்ரித்வி ராஜ், ஷ்ருதி ஹாசன் உள்ளிட்ட பல பிரபலங்கள் நடிக்கின்றனர்.

ஆக்‌ஷன் - த்ரில்லராக உருவாக உள்ள இப்படத்தின் பிரபாஸ் கேங்ஸ்டராக நடிக்கிறார்.

சலாரின் படப்பிடிப்பு விறுவிறுப்பாக நடந்து வந்த நிலையில் அப்படத்தின் ஒரு பாடல் மட்டும் படமாக்கப்படாத நிலையில் பிரபாஸுக்கு காலில் அடிப்பட்டு உள்ளது.

அறுவை சிகிச்சை மேற்கொண்ட பிரபாஸால் படப்பிடிப்பு வர முடியவில்லை என்றும் அதனால் படப்பிடிப்பு முழுதாக முடியவில்லை என்றும் கூறப்படுகிறது.

இதனால் இந்த வருடம் செப்டம்பர் 28 ஆம் தேதி வெளியாக இருந்த சலாரின் வெளியீடு தற்போது ஒத்தி வைக்கப்பட்டுள்ளதாக கூறப்படுகிறது.