Nayan Vicky : 'சுயநலத்துக்கு பின்னால் பொதுநலன் உள்ளது..' நேரடியாக பேசிய நயன்!

சினிமா உலகை தாண்டி பிசினஸ் உலகிலும் கலக்கி வருகிறார் நயன். முதலில் லிப் பாம் கம்பனி தொடங்கிய இவர், 9 ஸ்கின் எனும் ஸ்கின் கேர் பிராண்டை தொடங்கினார். இந்த இரண்டு பிசினஸுடன், ஃபெமி 9 எனும் சானிட்டரி நாப்கின் பிராண்டையும் நடத்தி வருகிறார்.

இந்நிலையில், சேலம் மாவட்டம் சங்ககிரி பகுதியில் உள்ள தனியார் கல்லூரியில் நயன்தாராவின் நிறுவனமான பெமி 9 வெற்றி விழா நடைபெற்றது.

அதில், “சுயநலத்துக்கு பின்னால் பொதுநலன் உள்ளது. சானிட்டரி நாப்கின் குறித்த விழிப்புணர்வு நாட்டில் உள்ள அனைத்து பெண்களுக்கும் சென்றடைய வேண்டும்.இது தொடர்பாக விழிப்புணர்வு ஏற்படுத்துவதே எங்கள் நோக்கம்.” என்று பேசினார் நயன்.

“பெண்கள் நல்லா இருந்தா சமுதாயமும் நல்லா இருக்கும். ஒவ்வொரு ஆணின் வெற்றிக்குப் பின்னால் ஒரு பெண் உள்ளது போல; சாதித்த பெண்களுக்கு பின்னாலும், மகிழ்ச்சியாக உள்ள பெண்களுக்கு பின்னாலும் கண்டிப்பாக ஒரு ஆண் இருப்பார்.எனக்கு பின்னால் எனது கணவர் விக்னேஷ் சிவன் உள்ளார். அவரை சந்தித்து முதலே எனக்கு துணையாகவே உள்ளார்.” என்று ஆண்களை பற்றி பேசினார் நயன்தாரா

மேலும் பேசிய அவர், “யாரும் என்னை கேள்வி கேட்கவில்லை என்றால் அதுதான் பெரிய விஷயம் என்று நினைத்தேன். ஆனால் இதோடு ஏன் நிறுத்துகிறீர்கள் என கேட்பவர்தான் விக்னேஷ் சிவன்.” என கூறி தன் வெற்றிக்கு ஊக்கம் கொடுப்பவர் விக்கி என தெரிவித்தார்.

“சுயநலத்துக்கு பின்னால் இருக்கும் பொதுநலம் எனது வணிகத்தை நியாயப்படுத்துகிறது.. சானிட்டரி நேப்கின் குறித்த விழிப்புணர்வு பெரும்பாலானோரை சென்றடையவில்லை. இதுகுறித்து விழிப்புணர்வு அனைத்து பெண்களையும் சென்றடைய வேண்டும்.” என்றும் பேசினார் நயன்தாரா