Karthik Raja & Harish Kalyan : கார்த்திக் ராஜா - ஹரிஷ் கல்யாண் பிறந்தநாள் இன்று!

தமிழ் சினிமாவில் பல நல்ல தரமான படங்களை கொடுத்ததன் மூலம் மக்கள் மத்தியில் தனி இடத்தை பிடித்தவர் இசையமைப்பாளர் கார்த்திக் ராஜா.

இசைஞானியின் மூத்த மகனும், இசையமைப்பாளர் யுவன் ஷங்கர் ராஜாவின் சகோதரருமான கார்த்திக் ராஜா இன்று பிறந்தநாளை கொண்டாடுகிறார்.

ரஜினிகாந்த் நடித்த பாண்டியன் படத்தில் இடம் பெற்ற ''பாண்டியனின் ராஜ்யத்தில் உய்யலாலா' தான் அவர் இசையமைத்த முதல் பாடல்.

உல்லாசம், நாம் இருவர் நமக்கு இருவர், காதலா காதலா, டும் டும் டும், உள்ளம் கொள்ளை போகுதே உள்ளிட்ட பல ஹிட் படங்களுக்கு இசையமைத்தவர்.

இளையராஜா மற்றும் யுவன் ஷங்கர் ராஜா இருவரும் இசையமைத்த ஏராளமான படங்களுக்கு கார்த்திக் ராஜா தான் பின்னணி இசை அமைத்துள்ளார்.

அபரிதமான திறமை இருந்தாலும் சரியான வாய்ப்புகள் அமையாததால் அவரின் முழு திறமையை வெளி உலகத்திற்கு தெரியாமல் இருக்கிறது.

தமிழ் சினிமாவில் வளர்ந்து வரும் நடிகர்களில் ஒருவராக விளங்குபவர் ஹரிஷ் கல்யாண்.

சிந்து சமவெளி படம் மூலம் அறிமுகமானார். ஆனால் அப்படம் சர்ச்சையினை ஏற்படுத்தியதால் கிட்டத்தட்ட மூன்று ஆண்டுகள் வாய்ப்பின்றி இருந்தார்.

பிக் பாஸ் சீசன் 1 நிகழ்ச்சியில் வைல்ட் கார்டு போட்டியாளராக என்ட்ரி கொடுத்த பின்னர் மிக பெரிய செலிபிரிட்டியாக மாறினார்.

'பியர் பிரேமா காதல்' படம் மூலம் ரீ என்ட்ரி கொடுத்தார்.

அதை தொடர்ந்து தாராளபிரபு, ஓ மணப்பெண்ணை உள்ளிட்ட ஏராளமான படங்களில் நடித்துள்ளார்.

இன்று பிறந்தநாள் கொண்டாடும் ஹரிஷ் கல்யாணுக்கு வாழ்த்துக்கள் குவிந்து வருகின்றன.