AR Rahman Net Worth: 57 வயதில் மனைவியை பிரியும் இசைப்புயல் ஏ.ஆர்.ரகுமானின் சொத்து மதிப்பு எவ்வளவு தெரியுமா?

இயக்குனர் பாலச்சந்தர் தயாரிப்பில் - மணிரத்னம் இயக்கத்தில் வெளியான, 'ரோஜா' திரைப்படத்தின் மூலம், வெள்ளித்திரையில் தன்னுடைய இசை பயணத்தை துவங்கியவர் ஏ.ஆர்.ரகுமான். 'ஒரு பானை சோத்துக்கு ஒரு சோறு பதம்' என்கிற பழமொழிக்கு ஏற்ப, தன்னுடைய முதல் படத்திலேயே... ஏ.ஆர்.ரகுமானின் இசைக்கு தேசிய விருது கிடைத்தது.

imag'ரோஜா' படத்திற்கு பின்னர் இவர் இசையில் வெளியான புதிய முகம், ஜென்டில்மேன், கிழக்கு சீமையிலே என இவர் கை வைத்த படங்கள் எல்லாமே தொடர்ந்து ஹிட்டடிக்க துவங்கியது. ரோஜாவில் துவங்கிய இவருடைய இசை பயணம், 150-க்கும் மேற்பட்ட படங்களை தொடந்து சூர்யாவின் 45-ஆவது படம் வரை வந்துள்ளது. இதற்காக ஏ.ஆர்.ரகுமான் போட்ட உழைப்பு அளவிட முடியாதது. இரவு - பகல் பாராமல் இசை மீது இவர் காட்டிய ஆர்வம் தான், இவரை ஆஸ்கர் மேடையில் ஏற்றி அழகு பார்த்தது. அதாவது 2008-ம் ஆண்டு வெளிவந்த 'ஸ்லம்டாக் மில்லியனர்' என்கிற படத்தில் இடம்பெற்ற ஜெய் ஹோ பாடலுக்காக தான் ஏ.ஆர்.ரகுமான் ஆஸ்கர் விருதை வென்றார்.e 2

1992-ஆம் ஆண்டு ரோஜா திரைப்படத்தின் மூலம், இசையமைப்பாளராக அறிமுகமான ஏ.ஆர்.ரகுமான், சுமார் 30 ஆண்டுகளை கடந்து, 2கே கிட்ஸ் வரை ரசிக்கும் படியான இசையை வழங்கி வருகிறார். இதுவே இவரை தலை சிறந்த இசையமைப்பாளராக தனித்துவமாக காட்டுகிறது.

இசைப்புயல் ஏ.ஆர்.ரகுமான் தன்னுடைய முதல் படமான 'ரோஜா' படத்தில் இசையமைக்க ரூ.25 ஆயிரம் மட்டுமே சம்பளமாக பெற்ற நிலையில், தற்போது இவர் இசையமைக்கும் படங்களுக்கு ரூ.8 கோடி முதல் ரூ.10 கோடி வரை சம்பளமாக பெறுகிறார்.

தமிழ், தெலுங்கு, மலையாளம் போன்ற தென்னிந்திய மொழிகளை கடந்து இந்தி, ஆங்கிலம் போன்ற மொழிகளுக்கும் இசையமைத்துள்ள ஏ.ஆர்.ரகுமான் தான்... இந்திய திரையுலகின் பணக்கார இசையமைப்பாளராக வலம் வந்து கொண்டிருக்கிறார். மேலும் இவருடைய சொத்து மதிப்பு, ரூ.1728 கோடி என கூறப்படுகிறது.

ஏ.ஆர்.ரகுமான், தன்னுடைய குடும்பத்தினரால் பார்த்து திருமணம் செய்து வைக்கப்பட்ட சாய்ரா பானு என்பவரை, 1995-ஆம் ஆண்டு திருமணம் செய்து கொண்டார். இவர்களுக்கு கதீஜா, ரஹீமா என்கிற இரண்டு மகள்கள் மற்றும் அமீன் என்கிற ஒரு மகனும் உள்ளனர்.

ஏ.ஆர்.ரகுமானுக்கு திருமணம் ஆகி 29-ஆண்டுகள் ஆகும் நிலையில், நேற்று இரவு ஏ.ஆர்.ரகுமான் மனைவி சாய்ரா பானு கணவரிடம் இருந்து விவாகரத்து பெற்று பிரிவதாக லாயர் மூலம் அறிவித்தார். இந்த தகவல் தற்போது தென்னிந்திய திரையுலகில் பரபரப்பாக பேசப்பட்டு வருவது குறிப்பிடத்தக்கது.