The Road Short Review : இன்னும் சிறப்பான சாலையாக அமைந்திருக்கலாம்.. திரிஷாவின் தி ரோடு படத்தின் குட்டி விமர்சனம்!

நடிகை த்ரிஷா, டான்சிங் ரோஸ் ஷபீர், எம்.எஸ்.பாஸ்கர், மியா ஜார்ஜ், சந்தோஷ் பிரதாப், வேல ராமமூர்த்தி , செம்மலர் அன்னம் உள்ளிட்டோர் நடிப்பில் வெளியான தி ரோடு படத்தின் விமர்சனத்தை இங்கு காணலாம்.

பாதிக்கப்பட்டவர்களின் அமைதி தான் அடுத்தடுத்த தவறுகளுக்கு காரணம், அவர்கள் அமைதியாக போகக் கூடாது எனும் படத்தின் வசனத்தை மையப்படுத்தி எடுக்கப்பட்டுள்ள திரைப்படம் ‘தி ரோடு’.

படத்தின் டைட்டிலுக்கு ஏற்றவாறு, NH 44 எனும் சாலை பாதிப்பிற்கு உள்ளாகும் த்ரிஷா, டான்சிங் ரோஸ் சபீர் ஆகிய இருவரையும் ஒன்றிணைக்கிறது. இருவருமே நல்ல நடிப்பை வெளிப்படுத்தி கதையின் தூணாக விளங்குகின்றனர்.

முதல்பாதி விறுவிறுவென பயணித்து, பக்கா த்ரில்லர் கதை அனுபவத்தை தந்து எதிர்பார்ப்பை எகிற வைக்கிறது. ஆனால் இரண்டாம் பாதி அதற்கு நேர்மாறாக ரோடு போல் எங்கெங்கோ செல்கிறது.

சாம் சி.எஸ்ஸின் பின்னணி இசை படத்துக்கு பெரும் ப்ளஸ்! அலுப்பு தட்டும் இடங்களிலும் நம்மை படத்துடன் ஒன்ற வைத்து சுவாரஸ்யம் கூட்டியிருக்கிறார் சாம் சி.எஸ்.

உண்மைக் கதையை அடிப்படையாகக் கொண்டு எடுக்கப்பட்ட படம் எனக் கூறப்பட்ட்டாலும் கதையில் நம்பகத்தன்மை குறைவாகவும், மிகைப்படுத்தி எடுக்கப்பட்ட உணர்வையும் படம் தருகிறது. ‘தி ரோடு’ இன்னும் சிறப்பான சாலையாக அமைந்திருக்கலாம்!