HBD Richa Gangopadhyay : தனுஷ் - சிம்பு பட ஹீரோயினுக்கு இன்னைக்கு பிறந்தநாள்!

தமிழ் சினிமாவில் 2011ம் ஆண்டு வெளியான 'மயக்கம் என்ன' திரைப்படத்தின் மூலம் தமிழ் சினிமாவில் அறிமுகமானவர் நடிகை ரிச்சா கங்கோபாத்யாய்.

முதல் படத்திலேயே அழுத்தமான ஒரு கேரக்டரில் சிறப்பான நடிப்பை வெளிப்படுத்தி தமிழ் ரசிகர்களின் கவனம் பெற்றார்.

செல்வராகவன் படங்களில் நாயகிகளுக்கு முக்கியத்துவம் கொடுக்கப்படும். அந்த பட்டியலில் யாமினியாக நடித்த நடிகை ரிச்சா கங்கோபாத்யாய் நிச்சயம் இடம்பெறுவர்.

அதை தொடர்ந்து நடிகர் சிம்பு ஜோடியாக 'ஒஸ்தி' திரைப்படத்தில் யதார்த்தமான நடிப்பை அளவாக வெளிப்படுத்தினார்.

நெடுவாளி கதாபாத்திரமாக ரசிகர்கள் மத்தியில் பிரபலமானார்.

பெரிய ரவுண்டு வருவார் என எதிர்பார்க்கப்பட்டது. ஆனால் வாய்ப்புகள் கிடைக்காதல் தெலுங்கு திரையுலகம் சென்றவருக்கு அங்கும் பெரிய அளவில் வாய்ப்பு கிடைக்கவில்லை.

தன்னுடைய நீண்ட நாள் காதலரான ஜோ என்பவரை 2019ம் ஆண்டு திருமணம் செய்துகொண்டார். இந்த தம்பதிக்கு ஒரு மகன் இருக்கிறான்.

சோஷியல் மீடியாவில் ஆக்டிவாக இருக்கும் ரிச்சா கங்கோபாத்யாய் பிறந்தநாள் இன்று.