Malavika Mohanan : ‘மிகவும் சவாலான கதாபாத்திரத்தில் நடித்துள்ளேன்..’ தங்கலான் பட அனுபவத்தை பகிர்ந்துகொண்ட மாளவிகா மோகனன்!

சார்பட்ட பரம்பரை வெற்றிக்கு பிறகு இயக்குநர் பா.ரஞ்சித் இயக்கத்தில் விக்ரம் நடிக்கும் தங்கலான் படத்தின் ஷூட் கடந்த ஜூலை மாதம் நிறைவு பெற்றது. இப்படத்தில் மலையாள நடிகை பார்வதி , பசுபதி, மாளவிகா மோகனன் உள்ளிட்ட நட்சத்திரங்கள் நடித்துள்ளனர்.

போஸ்ட் ப்ரொடக்ஷன் வேலைகள் மும்முரமாக நடந்து கொண்டிருப்பதாக தயாரிப்பு நிறுவனம் சார்பாகவும் இயக்குநர் சார்பாகவும் தெரிவிக்கப்பட்டுள்ளது.

இந்நிலையில் சமூகவலைத்தளத்தில் ரசிகர் கேட்ட கேள்விகளுக்கு பதிலளித்துள்ளார் மாளவிகா மோகனன்.

கேள்வி : தங்கலான் படத்தில் உங்களின் கேரக்டர் எப்படி இருக்கும்? பதில் : தங்கலான் படத்தில் எனக்கு கொடுக்கப்பட்டுள்ள கேரக்டர் மிகவும் சவாலான கதாபாத்திரம். இதுவரையில் நான் நடித்துள்ள கதாபாத்திரங்களிலிருந்து இது முற்றிலும் மாறுபட்டதாக இருக்கும் என்பது படம் வந்த பின் தெரியும் என நான் நம்புகிறேன்.”

கேள்வி : “படம் எப்போது வெளியாகும்? பதில் : “எனக்கு அதை பற்றி எதுவும் தெரியாது இது என்னிடம் கேட்க வேண்டிய கேள்வி இல்லை இயக்குநர் பா ரஞ்சித்திடம் கேட்கவேண்டிய கேள்வி.”

நேர்காணல் ஒன்றில் பங்குபெற்ற தயாரிப்பாளர் ஞானவேல், இப்படத்தை ஆஸ்கருக்கு அனுப்ப உள்ளதாக பேசியிருந்தார் என்பது குறிப்பிடத்தக்கது.