அண்ணனை தாலாட்டும் அன்னை மடி நீ..வாழ்த்துகளை பரிமாற்றி கொண்ட சூரி - கீர்த்தி!

நானி மற்றும் கீர்த்தி சுரேஷ் நடிப்பில், வெளியான திரைப்படம் தசரா. இப்படத்தை ஸ்ரீகாந்த் ஒடெல்லா இயக்கியுள்ளார்.

இது ஒரு பான் இந்தியா படமாக தயாராகி உள்ளது.

அதற்கு அடுத்ததாக மார்ச் 31 ஆம் தேதி வெற்றிமாறன் இயக்கத்தில் சூரி நடிப்பில் வெளியான படம் விடுதலை. இது சூரி கதாநாயகனாக நடிக்கும் முதல் படம் ஆகும்.

இந்நிலையில் தசரா படம் வெற்றி பெற வேண்டும் என சூரி வாழ்த்து தெரிவித்துள்ளார்.

அதற்கு பதில் தெரிவித்துள்ள கீர்த்தி சுரேஷ், விடுதலை படம் வெற்றி பெற அன்பு தங்கையின் மனமார்ந்த வாழ்த்துக்கள் என்று கூறியுள்ளார்.

இவ்வாறு மாறி மாறி வாழ்த்துகளை தெரிவித்து கொண்ட அண்ணன் சூரி - தங்கை கீர்த்தியின் அன்பை ரசிகர்கள் பாராட்டி வருகின்றனர்.