Kamal Haasan : கமலை படு பிசியாக்கிய ப்ரொஜெக்ட் கே படம்...அமெரிக்காவில் தொடங்கிய ப்ரோமோஷன் நிகழ்ச்சி!

முன்னணி நடிகரான கமலுக்கு விக்ரம் படம் கம்-பேக்காக அமைந்தது. அதை தொடர்ந்து ஹெச்.வினோத்துடன் கே.ஹெச் 233 படத்திலும், ஷங்கரின் இந்தியன் 2 படத்திலும், மணிரத்தினத்தின் கே.ஹெச் 234 படத்திலும் நடிக்கவுள்ளார்.

சமீபத்தில் பெரும் பட்ஜெட் படமான ப்ராஜெக்ட் கேவில் கமல் வில்லனாக நடிக்கவுள்ளார் என்ற அதிகாரபூர்வ தகவல் வெளிவந்தது.

அமெரிக்காவின் சான் டியாகோ நகரில் நடைபெறும் காமிக்- கான் சர்வதேச நிகழ்ச்சியில் புராஜெக்ட் கே படத்தின் தலைப்பு, டிரெய்லர் மற்றும் ரிலீஸ் தேதி அறிவிக்கப்பட உள்ளது.

முதலில் இதன் கிளிம்ப்ஸ் வீடியோ அமெரிக்காவில் ஜூலை 20 ஆம் தேதியும் இந்தியாவில் 21 ஆம் தேதியும் வெளியாகவுள்ளது.

இதற்காக நடிகர் கமல் அமெரிக்காவிற்கு சென்றுள்ளார். நிகழ்ச்சி தொடர்பான புகைப்படங்கள் வெளியாகி வைரலாகி வருகிறது.

முன்னதாக தீபிகா படுகோன் மற்றும் பிரபாஸின் ஃபர்ஸ்ட் லுக் வெளியானது. இதை தொடர்ந்து கமலின் ஃபர்ஸ்ட் லுக்கை காண மக்கள் ஆர்வமாக உள்ளனர்.