Jayam Ravi Line ups : இறைவன் முதல் தனி ஒருவன் 2 வரை..ஜெயம் ரவி கைவசம் உள்ள படங்கள் இதோ!

பொன்னியின் செல்வன் படத்தில் முன்னணி கதாபாத்திரத்தில் நடித்த ஜெயம் ரவி, அடுத்தடுத்த படங்களில் பிசியாக நடித்து வருகிறார். அந்த படங்களின் பட்டியலை இங்கு பார்க்கலாம்.

ஐ.அஹமத் இயக்கத்தில் உருவான இறைவன் படம் வருகிற செப்டம்பர் 28 ஆம் தேதி வெளியாகவுள்ளது. இப்படத்திற்கு யுவன் ஷங்கர் ராஜா இசையமைத்துள்ளார். தனி ஒருவன் படத்தில் ஒன்றாக நடித்த ஜெயம் ரவி - நயன் கூட்டணி இதில் இணைந்து நடித்துள்ளனர்.

ஜெயம் ரவி, பிரியங்கா அருள் மோகன், பூமிகா, சரண்யா உள்ளிட்டோர் நடிக்கும் பிரதர் படத்தை எம்.ராஜேஷ் இயக்குகிறார். ஹாரிஸ் ஜெயராஜ், இப்படத்திற்கு இசையமைக்கிறார்.

ஆண்டனி பாக்கியராஜ் இயக்கும் சைரன் படத்திற்கு ஜி.வி.பிரகாஷ் இசையமைக்கிறார். இதில் ஜெயம் ரவி, கீர்த்தி சுரேஷ், யோகி பாபு உள்ளிட்டோர் நடித்து வருகின்றனர்.

புவனேஷ் அர்ஜுனன் இயக்கும் ஜீனி படத்தில் ஜெயம் ரவியுடன் வாமிக்கா காபி, கல்யாணி பிரியதர்ஷன், கிருத்தி ஷெட்டி உள்ளிட்டோர் நடிக்கவுள்ளனர்.

2015ல் வெளியாகி நல்ல வரவேற்பை பெற்ற தனி ஒருவன் படத்தின் இரண்டாம் பாகத்தை, மோகன் ராஜவே இயக்கவுள்ளார். இதை ஏ.ஜி.எஸ் நிறுவனம் தயாரிக்கவுள்ளது.