Sudha Kongara: சூரரைப் போற்றி தேசிய விருது வென்ற சுதா கொங்கரா..முத்திரை பதித்த இயக்குனருக்கு பிறந்தநாள் இன்று!

இரண்டு வருடங்களுக்கு முன்பு வெளியான சூரரைப் போற்று திரைப்படம் மூலம் ஐந்து தேசிய விருதுகளை வென்ற இயக்குனர், சுதா கொங்கரா. இவர், ஆந்திராவில் பிறந்து சென்னையில் வளர்ந்தவர்

2020ஆம் ஆண்டு ஓடிடி தளத்தில் வெளியான சூரரைப் போற்று திரைப்படம் மக்களிடையே அமோக வரவேற்பினை பெற்றது. இப்படம், இந்தி மொழியிலும் ரீ-மேக் ஆகி வருகிறது. சுதா கொங்கரா, இப்படத்திற்கு முன்னர் மாதவனை வைத்து இறுதி சுற்று படத்தை தமிழ் மற்றும் இந்தி மொழிகளில் இயக்கியிருந்தார். இப்படம், தெலுங்கு மொழியிலும் ரீ-மேக் செய்யப்பட்டது

சுதா, பிரபல இயக்குனர் மணிரத்னமிடம் 7 வருடங்கள் உதவி இயக்குனராக பணிபுரிந்தாராம். இவர், முதன் முதலில் இயக்கிய படம் துரோகி. இந்த படத்தில், விஷ்ணு விஷால்-ஸ்ரீகாந்த் ஆகியோர் நடித்திருந்தனர்

சூரரைப் போற்று படத்தின் இந்தி ரீ-மேக்கில் நடிகர் அக்‌ஷய் குமார் ஹீரோவாக நடிக்கிறார். இந்த படத்தின் படப்பிடிப்பு பணிகளிலும், சுதா தீவிரமாக ஈடுபட்டு வருகிறார்

சில மாதங்களுக்கு முன்னர் சுதா, புதிதாக விலை உயர்ந்த கார் ஒன்றை வாங்கினார். தனது காரில் இயக்குனர் மணிரத்னம், சூர்யா, ஜிவி பிரகாஷ் குமார் உள்ளிட்டோருடன் பயணித்ததாக இன்ஸ்டாவில் பதிவிட்டிருந்தார்

சில வாரங்களுக்கு முன்னர், சிறிய விபத்தில் தனக்கு கையில் அடிப்பட்டு விட்டதாக தனது சமூக வலைதள பக்கங்களில் பதிவிட்டிருந்தார்

விடுதலை படத்தின் இயக்குனர் வெற்றி மாறனின் நெருங்கிய நண்பர்களுள் ஒருவர் சுதா கொங்கரா. அவருடன் எடுத்த சில புகைப்படங்களையும் அவர் இன்ஸ்டாவில் பதிவிட்டுள்ளார்

சமீபத்தில் ’;பத்து தல’ படத்தில் இசை மற்றும் ட்ரைலர் வெளியீட்டு விழா நடந்தது. இதில் சுதா கொங்கரா கலந்து கொண்டதாக சமூக வலை தளங்களில் இது போன்ற புகைபடங்கள் பகிரப்பட்டன

சுதா கொங்கராவிற்கு இன்று பிறந்தநாள். இவருக்கு பிரபலங்கள்-ரசிகர்கள் உள்ளிட்ட பலர் வாழ்த்து தெரிவித்து வருகின்றனர்