1 Year of Beast: ‘அதுக்குள்ள ஒரு வருடம் ஆகிவிட்டதா..’ எதிர்பார்ப்புகளை ஏமாற்றங்களாக மாற்றிய பீஸ்ட்!

ரசிகர்களின் மத்தியில் இன்றளவும் பரவலாக பேசப்படும் ஒரு படம், பீஸ்ட்.

‘டாக்டர்’ படத்தை இயக்கி வெற்றி பெற்ற இயக்குநர் நெல்சன், பீஸ்ட் படத்தையும் இயக்கி வெற்றி இயக்குநர்களின் பட்டியலில் இடம் பிடிப்பார் என எதிர்பார்க்கப்பட்டது.

நடிகர் விஜய்யின் பீஸ்ட் லுக், அனிருத்தின் இசையில் பாடல்கள், தெறிக்கவிட்ட ட்ரைலர் என படத்தின் மீதிருந்த எதிர்பார்ப்பு எகிறிக்கொண்டே இருந்தது.

எதிர்பார்ப்போடு, முதல் நாள் முதல் ஷோவிற்கு போனவர்கள் பெருத்த ஏமாற்றத்துடன் வெளியில் வந்தனர்.

படத்தில் விஜய்யின் நடிப்பு, ஒளிப்பதிவு, பின்னணி இசை என அனைத்தும் ஸ்கோர் செய்ய, திரைக்கதையில் படக்குழு கோட்டைவிட்டதாக படம் வெளிவந்த புதிதில் கூறப்பட்டது.

இருப்பினும், பீஸ்ட் படம் உலகளவில் சுமார் 250 கோடி வரை வசூல் செய்தது.

விஜய் ரசிகர்களும் ஜெய்லர் படத்திற்காக காத்திருக்கும் நெல்சன் ரசிகர்களும், பீஸ்ட் படம் வெளியாகி ஓராண்டு ஆனதை சமூக வலைதளங்களில் நினைவு கூர்ந்து வருகின்றனர்.