48 years of Ilayaraja : 48 ஆண்டுகால இசைப்பயணம்.. அன்னக்கிளி படம் வெளியான நாள் இன்று!

தமிழ் சினிமாவின் அசைக்க முடியாத மாபெரும் சொத்து இசைஞானி இளையராஜா.

அந்த மாமேதை அறிமுகமான 'அன்னக்கிளி' திரைப்படம் வெளியாகி இன்றுடன் 48 ஆண்டுகளை நிறைவு செய்கிறது. 

சரித்திர முக்கியத்துவம் வாய்ந்த இப்படத்தை தேவராஜ் - மோகன் இயக்கி இருந்தனர். 

சிவகுமார், சுஜாதா, படாபட் ஜெயலட்சுமி, ஸ்ரீகாந்த், தேங்காய் ஸ்ரீனிவாசன், செந்தாமரை உள்ளிட்டோர் நடித்திருந்தனர்.

கிராமிய பின்னணியில் எளிமையான திரைக்கதையுடன் வெளியான இப்படம் மிக குறைந்த பட்ஜெட்டில் உருவாகி இருந்தாலும் மாபெரும் வெற்றி படமாக அமைந்து வசூலை குவித்தது.

இப்படம் மூலம் 48 ஆண்டுகால திரைப்பயணத்தை நிறைவு செய்த இசைஞானிக்கு இளையராஜா என பெயரை மாற்றி வைத்தவர் பஞ்சு அருணாச்சலம்.

'அன்னக்கிளி' படத்தின் வெற்றிக்கு முக்கியமான காரணம் இளையராஜாவின் இசை. அன்று முதல் இன்று வரை கொண்டாடப்பட்டு வருகிறார். 

இன்றும் காலத்தால் அழியாத இப்படம் திரை ரசிகர்களால் கொண்டாடப்பட்டு வருகிறது.