G.V Prakash : ‘கேப்டன் மில்லர் படத்தின் இசை இப்படி இருக்கும்..’ ஜிவி பிரகாஷ் கூறியது என்ன?

தமிழில் 'சாணி காயிதம்', 'ராக்கி' ஆகிய படங்களை இயக்கி ரசிகர்களிடத்தில் கவனம் பெற்ற அருண் மாதேஸ்வரனின் அடுத்த படமாக உருவாகி இருக்கிறது கேப்டன் மில்லர்.

இதில் நடிகர்கள் தனுஷ், பிரியங்கா அருள்மோகன், கன்னட ஸ்டார் சிவராஜ் குமார், சந்தீப் கிஷன், நிவேதிதா, ஜான் கொக்கென் உள்ளிட்ட பலரும் நடிக்கின்றனர்.

கடந்த சில வாரங்கள் முன்னால் இப்படத்தின் டீசர் வெளியாகி பெரும் வரவேற்பை பெற்றது. இப்படத்தின் கதைகளம் 1940களில் நடக்கும் அதிகாரத்திற்கு எதிராக ஆயுதம் ஏந்துபவர்களின் புரட்சியை மையப்படுத்தியுள்ளது.

இப்படத்திற்கு இசையமைத்த ஜி.வி பிரகாஷ் இப்படம் குறித்து நேர்காணலில் பேசுகையில்,“கேப்டன் மில்லர் படத்தின் இயக்கம் மற்றும் இசை ஹாலிவுட் தரத்தில் உருவாகி உள்ளது. இப்படத்தின் மியூசிக் கிட்டதட்ட ஜாங்கோ அன்செயின்ட் படத்தின் இசை போல உருவாகி உள்ளது” என்று கூறினார்.

“அதுமட்டும்மல்லாமல் நடிகர் தனுஷின் நடிப்பு இப்படத்தில் முற்றிலும் வித்தியாசமாக உள்ளது” - ஜி.வி. பிரகாஷ் குமார்

இப்படத்திற்கான எதிர்பார்ப்பு நாளுக்கு நாள் அதிகரித்து வரும் நிலையில் இசையமைப்பாளர் ஜி.வியின் பேச்சு ரசிகர்கள் மத்தியில் படத்தின் எதிர்பார்ப்பை எகிற செய்துள்ளது.