IND VS IRE : இந்தியாவை தோற்கடித்து சாதனை படைக்குமா அயர்லாந்து?

இந்திய கிரிக்கெட் அணி அயர்லாந்து நாட்டிற்கு மூன்று டி20 போட்டிகளை விளையாட சுற்றுப்பயணம் சென்றுள்ளது

முதல் போட்டியின் போது மழை குறுக்கிட்டதால் டக்வொர்த் விதிப்படி இந்திய அணி 2 ரன்கள் வித்தியாசத்தில் வெற்றி பெற்றது என்று அறிவிக்கப்பட்டது. இரண்டாவது ஆட்டத்தில் 33 ரன்கள் வித்தியாசத்தில் அயர்லாந்து அணியை இந்தியா வீழ்த்தியது.

காயத்திலிருந்து மீண்டு, மீண்டும் இந்திய அணிக்கு திரும்பியுள்ளார் பும்ரா இரண்டு போட்டிகளிலும் தலா இரண்டு விக்கெட்டை வீழ்த்தி அனைவரின் கவனத்தையும் ஈர்த்தார்.

முதல் இரண்டு போட்டிகளில் வெற்றி பெற்ற இந்தியா தொடரை கைப்பற்றியது. இன்று நடக்க போகும் மூனறாம் டி20 ஆட்டம் எந்த வித பாதிப்பையும் ஏற்படுத்தாது என்றாலும், அயர்லாந்து சாதனை படைக்க உதவும்

அயர்லாந்து அணி இந்தியாவுக்கு எதிரான சர்வதேச போட்டிகளில் (மூன்று ஒருநாள் போட்டி, ஏழு டி20 போட்டி) வெற்றி பெற்றதே இல்லை.

இன்று நடக்கும் கடைசி டி20 போட்டியில், இந்திய அணியை தோற்கடித்து அயர்லாந்து வெற்றி பெற்றால், இந்தியாவை முதன் முதலில் தோற்கடித்த சாதனையை படைக்கும் அயர்லாந்து.