இந்த ஆண்டு தீபாவளியும்.. கோலிவுட் சினிமாவும்..

தீபாவளி பொங்கல் தினங்களில் முன்னணி நடிகர்களான கமல் ரஜினி விஜய் அஜித் படங்கள் வெளியாவது வழக்கம். ஆனால் இந்த தீபாவளி திருநாளில் முன்னணி நடிகர்களின் படங்கள் வெளியாகவில்லை.

2023 தீபாவளி நாளன்று நான்கு படங்கள் வெளியாகின்றன. இயக்குனர் ராஜூவ் முருகன் இயக்கத்தில் நடிகர் கார்த்தி நடித்துள்ள ஜப்பான் திரைப்படம்

பேட்ட, பீட்ஸ்சா,ஜிகிர்தண்டா உள்ளிட்ட படங்களை இயக்கிய இயக்குனர் கார்த்திக் சுப்புராஜ் இயக்கத்தில் நடிகர் எஸ் ஜே சூர்யா மற்றும் லாரன்ஸ் நடிப்பில் உருவாகியுள்ள ஜிகிர்தண்டா 2

விக்ரம் பிரபு நடிப்பில் உருவாகியுள்ள ரெய்டு ,அறிமுக இயக்குனர் வெங்கட் இயக்கத்தில் பூ ராமு ,காளிவெங்கட் உள்ளிட்டோர் நடிப்பில் உருவாகியிருக்கும் கிடா ஆகிய நான்கு படங்களும் தீபாவளிக்கு வெளியாகவுள்ள என்பது குறிப்பிடத்தக்கது.

இந்நிலையில் நான்கு படத்திற்கும் சரியான திரையரங்கங்களை பிரித்து வழங்க வேண்டும். முன்னணி நடிகரான கார்த்தியின் ஜப்பான் மற்றும் ஜிகிர்தண்டா 2 படத்திற்கு அதிகமான தியேட்டர்களை ஒதுக்காமல் சமமாக பகிர்ந்தளிக்குமாறு சினிமா விமர்சகர்கள் இணையத்தில் பதிவிட்டு வருகின்றனர்.

நடிகை தமன்னா முதல் முறையாக மலையாளத்தில் நடித்துள்ள பந்த்ரா திரைப்படமும் தீபாவளிக்கு வெளியாகவுள்ளது.தமிழ்நாட்டில் பொருத்தவரை இந்த நான்கு படங்களுக்கும் முன்னுரிமை அளிக்கப்படுமென எதிர்பார்க்கப்படுகிறது.இத்திரைப்படத்தில் திலீப் நாயகனாக நடித்துள்ளார்.நடிகர் சிவகார்த்திகேயன் நடித்துள்ள அயலான் திரைப்படம் தீபாவளிக்கு வெளியாக இருந்த நிலையில் பொங்கலுக்கு மாற்றப்பட்டுள்ளது.