Captain Miller : உடுக்கை ஒலியில் தெறிக்கவிடும் கோரனாரு...ட்ரெண்டிங்காகும் கேப்டன் மில்லர் பாடல்!

சத்யஜோதி பிலிம்ஸ் நிறுவனத்தின் தயாரிப்பில் அருண் மாதேஸ்வரன் இயக்கத்தில் நடிகர் தனுஷ் நடித்துள்ள திரைப்படம் கேப்டன் மில்லர். இது தனுஷின் 50வது திரைப்படம்.

கன்னட நடிகர் சிவராஜ்குமார், சந்தீப் கிஷன், பிரியங்கா மோகன் உள்ளிட்டோர் முக்கிய கதாபாத்திரத்தில் நடித்துள்ளனர். பொங்கலை முன்னிட்டு ஜனவரி 12ம் தேதி 'கேப்டன் மில்லர்' வெளியாக உள்ளது.

ஜி.வி. பிரகாஷ் குமார் இப்படத்திற்கு இசையமைத்துள்ளார். இப்படத்தின் ப்ரீ ரிலீஸ் நிகழ்வு நாளை மாலை 6 மணிக்கு சென்னை நேரு உள்விளையாட்டு அருகில் நடைபெறுகிறது

ஏற்கனவே இப்படத்தின் 'கில்லர் கில்லர்' மற்றும் 'உன் ஒளியிலே' பாடல்கள் வெளியாகி ரசிகர்கள் மத்தியில் நல்ல வரவேற்பை பெற்ற நிலையில் மூன்றாவது பாடல் நேற்று வெளியானது.

தேவா, சந்தோஷ் ஹரிஹரன் மற்றும் அலெக்சாண்டர் பாபு மூவரும் இணைந்து பாடியுள்ள 'கோரனாரு கோரனாரு...' பாடல் நேற்று வெளியாகி பட்டையை கிளப்பி வருகிறது.

ராவான குரலில் ஒலிக்கும் இந்த பாடலில் தனுஷ் மற்றும் சிவராஜ்குமார் இணைந்து நடனமாடியுள்ளது ரசிகர்களின் ஒட்டுமொத்த கவனத்தையும் ஈர்த்து ட்ரெண்டிங் லிஸ்டில் இடம்பெற்றுள்ளது. பாபா பாஸ்கர் இப்பாடலுக்கு நடனம் அமைத்துள்ளார்.