Pushpa 2 Teaser Review : இதுல ஒன்னும் இல்ல.. ரசிகர்களை வெறுப்பேற்றிய புஷ்பா 2 டீசர்!

2021 ஆம் ஆண்டு இறுதியில் அல்லு அர்ஜூன், ராஷ்மிகா மந்தனா, ஃபஹத் ஃபாசில் உள்ளிட்டோர் நடிப்பில் வெளியான புஷ்பா தி ரைஸ் படம், பெரும் வசூலை குவித்து சாதனை படைத்தது.

முடிவு பெறாத முதல் பாகத்தின் மீதி கதையை விவரிக்கும் படி, புஷ்பா தி ரூல் படம் அமையும் என தெரிவிக்கப்பட்டது

இரண்டாம் பாகம் புஷ்பாவின் தந்தையை பற்றி இருக்கலாம் என ஒரு சிலரும், எஸ்.பி பன்வர் சிங் ஷெகாவத்திற்கும் புஷ்பாவிற்கும் நடக்கும் மோதலை பற்றிய கதையாக இருக்கும் என ஒரு சிலரும் யூகித்து வந்தனர்.

இந்நிலையில், அல்லு அர்ஜூன் பிறந்தநாளான இன்று புஷ்பா 2 டீசர் வெளியாகும் என அறிவிக்கப்பட்டது.

இப்போது வெளியான இந்த டீசரில், புஷ்பாவை தவிர வேறு எதையும் பார்க்க முடியவில்லை. கோயில் திருவிழாவில் ஆக்ரோஷமான காளியம்மன் வேடம் அணிந்த புஷ்பாவின் நடை பாவனை அனைத்தும் முதல் பாகத்தில் பார்த்தது போல் உள்ளது

பார்பவர்களை எல்லாம் பறக்கவிடும் ஹீரோ, தேவி ஸ்ரீ பிரசாத்தின் பின்னணி இசை, சுகுமாரின் இயக்கம் என ஒட்டுமொத்த கமர்ஷியல் படமாக இருக்கும் இது,வரும் ஆகஸ்ட் 15 ஆம் தேதி வெளியாகவுள்ளது என்பது குறிப்பிடத்தக்கது.