Ajith Kumar Birthday Special : ரீ-ரிலீஸ் செய்யப்பட்ட தீனா, பில்லா, மங்காத்தா.. வேற அப்டேட் எதிர்ப்பார்க்கலாமா?

தமிழ் சினிமா ரசிகர்கள் தலை மேல் தூக்கி வைத்து கொண்டாடும் நடிகர் அஜித்தின் பிறந்தநாள் இன்று. அஜித்தின் ஆசை மனைவி மற்றும் நடிகையுமான ஷாலினி, அவருக்கு டுகாட்டி பைக்கை பரிசளித்துள்ளார்.

ஏ.ஆர்.முருகதாஸ் இயக்கத்தில் உருவான தீனா படம் இன்று ரீ-ரிலீஸாகியுள்ளது. “உடம்புல கை இருக்கும்., கால் இருக்கும்., மூக்கு இருக்கும்., முழி இருக்கும்.. ஆனா உயிர் இருக்காது..” என மாஸ் வசனம் பேசி அசத்தியிருப்பார் அஜித்.

தீனாவுடன் ரீ-மேக்குகளில் ரீ-மேக்கான பில்லா படமும் ரீ-ரிலீஸ் செய்யப்பட்டுள்ளது. விஷ்ணு வர்தன் இயக்கத்தில் அஜித் வெர்ஷனில் உருவாகிய இந்த கேங்ஸ்டர் ஆக்‌ஷன் படத்தின் பாடல்கள் அனைத்தும் செம ஹிட்!

பலரும் எதிர்பார்த்த வெங்கட் பிரபுவின் க்ளாசிக் படமான மங்காத்தா, ஐரோப்பா, சிங்கப்பூர், மலேஷியா, ஐக்கிய அரபு அமீரகம் உள்ளிட்ட நாடுகளில் மட்டுமே ரீ-ரிலீஸ் செய்யப்பட்டுள்ளது.

தமிழ் நாட்டின் ரீ-ரிலீஸ் உரிமத்தை வைத்துள்ள சன் பிக்சர்ஸ் எந்த அறிவிப்பும் கொடுக்காததால், படம் இங்கு ரீ-ரிலீஸாகவில்லை.

இன்று மகிழ் திருமேனியின் விடாமுயற்சி, ஆதிக் ரவிச்சந்திரனின் குட் பேட் அக்லி ஆகிய படங்கள் குறித்த அப்டேட் வரும் என்று எதிர்ப்பார்க்கப்படுகிறது