Keerthy Suresh in Kannivedi: கீர்த்தி சுரேஷின் புதிய படம் குறித்த அப்டேட்..டெக் த்ரில்லர் ’கண்ணிவெடி’யில் நடிக்கும் கீர்த்தி!

தென்னிந்திய திரையுலகில் முன்னணி நடிகைகளுள் ஒருவர் கீர்த்தி சுரேஷ். இவர் பல முன்னணி நடிகர்களுடன் இணைந்தும் பல கதாநாயகிக்கு முக்கியத்துவம் கொடுக்கும் படங்களிலும் நடித்து வருகிறார்.

சமீபத்தில் இவர் நடிப்பில் வெளியான மாமன்னன் திரைப்படம் நல்ல வரவேற்பை பெற்றதையடுத்து கீர்த்தியின் அடுத்த திரைப்படம் குறித்த அப்டேட் வெளியாகியுள்ளது.

‘கண்ணிவெடி’ என பெயரிடப்பட்டுள்ள இத்திரைப்படம் கதாநாயகியை மையமாக வைத்து உருவாக உள்ளதாக கூறப்படுகிறது.

இத்திரைப்படத்தை அறிமுக இயக்குனர் கணேஷ் ராஜ் இயக்க உள்ளார். இவர் பிரபல தமிழ் இயக்குனர்களான ராம் மற்றும் ஹரியிடம் உதவி இயக்குனராக பணியாற்றியவர்.

இப்படத்தை ட்ரீம் வாரீயர்ஸ் பிக்சர்ஸ் தயாரிக்க Vj ரக்‌ஷன் முக்கிய கதாப்பாத்திரத்தில் நடிக்க உள்ளார்.

இந்நிலையில் நேற்று இப்படத்தின் பூஜை நடைப்பெற்றது. அதில் கீர்த்தி சுரேஷ் மற்றும் மற்ற படக்குழுவினரும் கலந்து கொண்டனர். மேலும் இப்படத்தின் படப்பிடிப்பு வரும் ஜூலை 22 ஆம் தேதி முதல் தொடங்கும் என எதிர்ப்பார்க்கப்படுகிறது.