Vishal 34 Shooting Starts : மூன்றாவது முறையாக இணையும் விஷால் - ஹரி வெற்றி கூட்டணி - பூஜையுடன் இன்று படப்பிடிப்பு தொடக்கம் !

தமிழ் சினிமாவில் முக்கிய நடிகர்களுள் ஒருவராக வலம் வருபவர் நடிகர் விஷால்.

இவர் ’செல்லமே’ என்ற படத்தின் மூலம் தமிழ் சினிமாவில் அறிமுகமாகி அதைதொடர்ந்து ’சண்டக்கோழி’, ’தாமிரபரணி’, ’மலைக்கோட்டை’ என அடுத்தடுத்த வெற்றி படங்களை கொடுத்து தமிழ் சினிமாவில் தனக்கான ரசிகர் கூட்டத்தை உருவாக்கினார்.

அதைதொடர்ந்து தற்போது விஷால் இயக்குனர் ஆதிக் ரவிச்சந்திரன் இயக்கத்தில் “மார்க் ஆண்டனி” என்ற படத்தில் விஷால் நடித்து வருகிறார்.

முன்னதாக இயக்குனர் ஹரி மற்றும் நடிகர் விஷால் கூட்டணியில் வெளியான தாமிரபரணி, பூஜை ஆகிய படங்கள் சூப்பர் ஹிட் ஆனது.

இவர்களின் காம்போ 9 ஆண்டுகள் கழித்து விஷால் 34 என்ற படத்தின் மூலம் மீண்டும் இணைகிறது.

இப்படத்தை கார்த்திக் சுப்புராஜின் ஸ்டோன் பெஞ்ச் பிலிம்ஸ் மற்றும் ஜி ஸ்டுடியோஸ் நிறுவனம் இணைந்து தயாரிக்கின்றனர்.

இப்படத்திற்கு தேவி ஸ்ரீ பிரசாத் இசையமைக்கிறார். இன்று இப்படத்தின் படப்பிடிப்பு புஜையுடன் தொடங்கியுள்ளது.