மகளை வைத்து படம் தயாரிக்கும் நடிகர் அர்ஜுன்.. ஹீரோ யாருன்னு தெரியுமா?

ஸ்ரீராம் பிலிம்ஸ் இன்டர்நேஷனல் தயாரிக்கும் 15 வது படத்தை அந்த நிறுவனத்தின் உரிமையாளர் நடிகர் அர்ஜுன் இயக்க உள்ளார்.

இந்த 15 வது படத்தில் நடிகர் அர்ஜுன் கதை, திரைக்கதை, வசனம், இயக்கம் என்று அனைத்தையும் அவரே செய்ய உள்ளாராம்.

இந்த படம் தமிழ், கன்னடம், மலையாளம், தெலுங்கு, ஹிந்தி என்று 5 மொழிகளில் வெளியாகும் பான் இந்தியா படமாக உருவாக உள்ளது.

இந்த படத்தில் கன்னட திரையுலகின் முன்னணி நடிகர்களில் ஒருவரான உபேந்திராவின் அண்ணன் மகன் நிரஞ்சன் ஹீரோவாக களம் இறங்க உள்ளார்.

அறிமுக நடிகர் நிரஞ்சனுக்கு ஜோடியாக அர்ஜுன் மகள் ஐஸ்வர்யா நடிக்க உள்ளார். இதன் படப்பிடிப்பு கடந்த வாரம் ஹைதராபாத்தில் தொடங்கப்பட்டது.

மேலும் இந்த படத்தில் சத்யராஜ், பிரகாஷ் ராஜ், ஜெயராம் என்று பல பிரபலங்கள் நடிக்கவுள்ளனர். கேஜிஎஃப் இசையமைப்பாளர் ரவி பஸ்ரூர் இசையமைக்கிறார் என்பது குறிப்பிடதக்கது.