Marakkuma Nenjam Concert : அடுத்த மாதம் நடக்கவிருக்கும் ஏ.ஆர்.ரஹ்மானின் மறக்குமா நெஞ்சம்..மழை வராமல் இருக்குமா கொஞ்சம்!

இந்திய சினிமாவின் முன்னணி இசையமைப்பாளர்களில் ஒருவர் ஏ.ஆர்.ரஹ்மான். இவருக்கு உலகமெங்கும் ரசிகர்கள் உள்ளனர்.

இதனால் படங்களில் இசையமைப்பதை தாண்டி, உலகமெங்கும் தனது இசைக் கச்சேரிகளை நடத்தி வருகிறார்.

இவரது இசைக் கச்சேரிக்கும் டிக்கெட் கிடைப்பது கடினமானது. டிக்கெட் விற்பனை தொடங்கிய சில நிமிடங்களிலேயே அனைத்தும் விற்று தீரும்.

அதைதொடர்ந்து கடந்த சில மாதங்களுக்கு முன்னர் 'மறக்குமா நெஞ்சம்' என்ற தலைப்பில் சென்னை கிழக்கு கடற்கரை சாலையில் உள்ள பனையூரில் இசைக் கச்சேரி நடத்த திட்டமிடப்பட்டுள்ளது.

இசைக்கச்சேரி நாளான ஆகஸ்ட் 12 ஆம் தேதி அன்று யாரும் எதிர்பாராத விதமாக பெய்த மழையால் விழா நடைபெறும் மைதானத்தில் மழைநீர் தேங்கியது. இதனால் இசைக்கச்சேரி நின்றுபோனது.

இதனால் வெளிநாடுகளில் இருந்து வந்த ரசிகர்கள் பெரும் ஏமாற்றம் அடைந்தனர். தற்போது ரத்து செய்யப்பட்ட ஏ.ஆர்.ரஹ்மான் இசைக்கச்சேரி, செப்டம்பர் 10ஆம் தேதி நடைபெறும் என அறிவிக்கப்பட்டுள்ளது.