Gold and silver rate today : நகைப்பிரியர்களுக்கு ஜாக்பாட். ! இன்று ஒரே நாளில் 5,360 ரூபாய் குறைந்தது- ஒரு சவரன் இவ்வளவு தானா.!!

தங்கத்தின் விலையானது 2025-ம் ஆண்டின் இறுதியில் ஒரு சவரன் ரூ. 1 லட்சத்தைத் தொட்டது. அடுத்த ஒரு மாதத்தில் அதாவது ஜனவரி 29ஆம் தேதி தங்கத்தின் விலையானது எதிர்பாரா திருப்பமாக ஒரு சவரன் 1.34 லட்சம் என்ற புதிய உச்சத்தை எட்டியது. இதற்கு பல்வேறு முக்கிய காரணமாக கூறப்பட்டாலும், டாலருக்கு நிகராக தங்கள் நாட்டின் பண மதிப்பை அதிகரிக்கும் வகையில் மத்திய வங்கிகள் தங்கத்தை அதிகளவு வாங்கி குவித்ததே காரணம் என சொல்லப்பட்டது.

அடுத்தடுத்த வாரங்களில் தங்கத்தின் விலையானது குறைய தொடங்கியது. பிப்ரவரி 28ஆம் தேதி ஈரான் மீது அமெரிக்க, இஸ்ரேல் போர் தொடுத்து வரும் நிலையில், தங்கம் விலை மீண்டும் உயரும் என எதிர்பார்க்கப்பட்டது. ஆனால் திடீர் திருப்பமாக தங்கம் விலை சரசரவென குறைந்தது. இந்த போரின் காரணமாக கச்சா எண்ணெய் விலையானது பல மடங்கு அதிகரித்துள்ளது. எனவே தங்கத்தில் முதலீட்டிற்கு பதிலாக கச்சா எண்ணெய் மீது முதலீடு அதிகரிக்க தொடங்கியது. இதனால் சரசரவென தங்கத்தின் விலையானது குறைந்து வருகிறது.

பிப்ரவரி 16 - சவரனுக்கு 400 ரூபாய் குறைந்து 1,17,680 ரூபாய்க்கும் விற்பனை. பிப்ரவரி 17- சவரனுக்கு 480 ரூபாய் குறைந்து 1,17,200 ரூபாய்க்கு விற்பனை. பிப்ரவரி 18- சவரனுக்கு 640 ரூபாய் குறைந்து 1,16,560 ரூபாய்க்கு விற்பனை. பிப்ரவரி 19- சவரனுக்கு 2160 ரூபாய் குறைந்து 1,14,400 ரூபாய்க்கு விற்பனை. மாலையிலும் சவரனுக்கு 3200 ரூபாய் குறைந்து 1,11,200 ரூபாய்க்கு விற்பனை. பிப்ரவரி 20- சவரனுக்கு 400 ரூபாய் உயர்ந்து 1,11,600 ரூபாய்க்கு விற்பனை. பிப்ரவரி 21- ஒரு சவரன் 2640 ரூபாய் குறைந்து 1,08,960 ரூபாய்க்கு விற்பனை.

இந்த நிலையில் தங்கத்தின் விலையானது இன்றும அதிரடியாக குறைந்துள்ளது. கிராம் ஒன்றுக்கு 670 ரூபாய் குறைந்து 12,950 ரூபாய்க்கும், சவரன் ஒன்றுக்கு 5,360 ரூபாய் குறைந்து 1,03,600 ரூபாய்க்கு விற்பனை செய்யப்படுகிறது. இதே போல வெள்ளியின் விலையும் சரிந்துள்ளது. கிராம் ஒன்றுக்கு 15 ரூபாய் குறைந்து 235 ரூபாய்க்கும், கிலோ பார் வெள்ளிக்கு 15ஆயிரம் ரூபாய் குறைந்து 2.லட்சத்து 35 ஆயிரத்திற்கு விற்பனை செய்யப்படுகிறது.