பசித்த புலிக்கு போக்கு காட்டும் வாத்து ஒன்றின் வைரல் வீடியோ சமூக வலைதளங்களில் கண்களை கவர்ந்து வருகிறது. இந்தக் குறுகிய 10 வினாடி கிளிப் 2.5 மில்லியனுக்கும் அதிகமான முறை சமூக வலைத்தளங்களில் பார்க்கப்பட்டுள்ளது. காணொளி தொடங்கும் போது, பசித்த புலி ஒன்று சேற்று நீரில் நீந்திக் கொண்டிருக்கும் வாத்து ஒன்றின் அருகில் வருவது தெரிகிறது. வேட்டையாடும் புலி மிகவும் கவனமாக பறவையை நோக்கி நகர்கிறது, இது தனக்கு வரும் அச்சுறுத்தலைப் பற்றி அறிந்திருக்கவில்லை.
ஆனால் புலி தாக்கத் தயாரானவுடன், வாத்து நீரில் மூழ்கி மறைந்துவிடும். ஆச்சரியத்துடன், புலி சுற்றிப் பார்த்தாலும் பறவையைக் காணவில்லை.
கேமராவும் நகர்ந்து, புலியின் பின்னால் வெளிவரும் பறவையையும், ஆபத்து மண்டலத்திலிருந்து பாதுகாப்பாக வெளியேறுவதையும் விரைவில் படம் பிடிக்கிறது.
இந்த வீடியோவை ட்விட்டரில் Buitengebieden என்ற பயனர் பகிர்ந்துள்ளார், ஆனால் வீடியோ எடுக்கப்பட்ட இடம் குறித்து எதுவும் வெளியிடப்படவில்லை.
"பொதுவாக புலிகளை விட வாத்துகள் புத்திசாலிகள் என்று தெரிகிறது" என்று ஒரு பயனர் இந்த வீடியோவுக்கு கமெண்ட் செய்துள்ளார். "வாத்து மிகவும் நம்பிக்கையுடன் இருந்தது, அது பறந்து செல்லக்கூட கவலைப்படவில்லை. நிதானமாக துடுப்புபோட்டு நீந்திச் செல்கிறது," என்று மற்றொருவர் கூறினார்.
இருப்பினும், மற்றவர்கள், சில உயிரியல் பூங்காக்களால் வாத்துகளின் இறக்கைகள் வெட்டப்பட்டு, புலிகள் மற்றும் பார்வையாளர்களின் பொழுதுபோக்குக்காக குளத்தில் வீசப்படுவதாகக் கூறி கோபமடைந்தனர்.
இந்த பயனர்கள் சில யூடியூப் வீடியோக்களின் இணைப்புகளையும் வெளியிட்டுள்ளனர், இது சீனாவில் உள்ள மிருகக்காட்சி சாலையில் ஒன்றல்ல மூன்று புலிகளுக்கு வாத்து போக்கு காட்டுவதைக் காட்டுகிறது.
இந்த வார தொடக்கத்தில், ஆமைகள் ஒரு நதியில் ஒரு நிலையற்ற மரத்தில் பேலன்ஸ் செய்தபடி நிற்பதைக் காட்டும் மற்றொரு வீடியோ இணையத்தின் கவனத்தை ஈர்த்தது.
மரத்தடி முன்னும் பின்னுமாக உருண்டதால், ஆமைகள் சறுக்கி தண்ணீரில் விழுவது தெரிந்தது. இந்த வீடியோ 5.4 மில்லியனுக்கும் அதிகமான பார்வைகளைப் பெற்றது.
இதற்கு முன்பும், புலி ஒன்று வாத்தை பிடிக்க போய் ஏமாறும் வீடியோ வைரலானது. இந்தச் சம்பவம் சுமத்ராவில் நடந்ததாக பதிவிடப்பட்டது. புலிகளுக்கே போக்கு காட்டும் இந்த வாத்துக்கள் க்யூட்தானே. இத்தகைய வீடியோக்கள் இயற்கையையும், அதன் வலிமையையும் பறைசாற்றுவதாக அமைந்துவிடுகிறது