டபிள்யூ டபிள்யூ ஈ(WWE) குத்துச்சண்டை விளையாட்டில் மிகவும் பிரபலமான வீரர்களில் ஒருவர் ‘த ராக்’. டிவைன் ஜான்சன் என்ற இயற்பெயரை கொண்ட ராக் இந்தக் குத்துச்சண்டை களத்தில் பலருடைய மனதை கவர்ந்தவர். அத்துடன் இவர் சில ஹாலிவுட் படங்களிலும் நடித்து அசத்தியுள்ளார். இவ்வாறு நடிப்பு மற்றும் குத்துச்சண்டை என்று பலரின் மனதை கவர்ந்த ராக் இம்முறை ஒரு நெகிழ்ச்சியான விஷயம் செய்து மக்களின் மனதை கவர்ந்துள்ளார். அது என்ன?
கிறிஸ்துமஸ் பண்டிகைக்கு பலரும் தங்களுடைய மனதிற்கு நெருக்கமானவர்களுக்கு பரிசுகளை அள்ளி தருவது வழக்கம். அந்தவகையில் ராக் தன்னுடைய தாய்க்கு ஒரு கிறிஸ்துமஸ் பரிசை வழங்கியுள்ளார். அந்த பரிசு மிகவும் அவருடைய தாய்க்கு மிகவும் பிடித்துள்ளது. இதுதொடர்பான வீடியோவை அவர் தன்னுடைய இஸ்டாகிராம் பக்கத்தில் பதிவிட்டுள்ளார். அந்த வீடியோவில், அவருடைய தாய்க்கு ஒரு பெரிய இன்ப அதிர்ச்சியை கொடுக்க முயன்று அவரிடம் தான் வாங்கிய புதிய காரை அவருக்கு பரிசாக காட்டும் காட்சிகள் இடம்பெற்றுள்ளன. அந்தக் காரை பார்த்த அவருடைய தாய் மிகவும் உணர்ச்சி போங்க அவருக்கு நன்றி தெரிவிக்கிறார். இந்த இடத்தில் ராக்கின் குழந்தைகளும் உள்ளனர். அவர்களும் தங்களுடைய பாட்டிக்கு தந்தை கொடுக்கும் பரிசை பார்த்து மகிழ்கின்றனர்.
நேற்று பதிவிடப்பட்ட இந்த வீடியோவை தற்போது வரை 1 லட்சத்திற்கும் மேற்பட்டவர்கள் பார்த்து ரசித்து உள்ளனர். அத்துடன் பலரும் இந்த வீடியோ தொடர்பாக தங்களுடைய கருத்துகளை பதிவிட்டு வருகின்றனர். மேலும் பலரும் இது தாய்-மகன் பாசத்தின் உண்மையான வெளிப்பாடு என்று கூறி கருத்துகளை பதிவிட்டு வருகின்றனர்.
மேலும் படிக்க: 1.05 லட்சம் ரூபாய் ஐபோன் ஆர்டருக்கு... டெலிவரி பார்சல் கொடுத்த அதிர்ச்சி- வைரல் சம்பவம் !