கொரோனா ஊரடங்கு காலத்தில் பெரும்பாலனவர்கள் அதிக நேரம் வீட்டிற்குள்ளேயே முடங்கி இருக்க வேண்டிய சூழல் உருவாகியுள்ளது. இதன் காரணமாக பலரும் தங்களது மொபைல் போன் மற்றும் சமூக வலைதளங்கள் ஆகியவற்றில் அதிக கவனம் செலுத்தி வருகின்றனர். அப்படி இருக்கும் போது அவர்கள் கண்களுக்கு ஒரு நல்ல வீடியோ தென்பட்டால் நிச்சயம் வைரலாகிவிடும். அந்தவகையில் தற்போது ஒரு வீடியோ ஒன்று வைரலாகி வருகிறது. அது என்ன?
பெலுகா என்ற வகை திமிங்கலம் ஒன்று சீகல் என்ற கடற்பறவையுடன் விளையாடும் வீடியோ ஒன்று சமூக வலைதளமான ட்விட்டரில் ஒருவர் பதிவிட்டிருந்தார். அந்த வீடியோவில் திமிங்கலம் எப்படி நட்புடன் கடற்பறவையை தேடி தேடி சென்று விளையாடுகிறது என்பது போன்ற காட்சிகள் இடம்பெற்று இருந்தது. இந்தக் காட்சியை பார்க்கும் போது அவர்கள் இருவரும் ஒரு அண்ணன் தம்பி அல்லது இரு இணைபிரியாத நண்பர்கள் போன்று இருக்கும் வகையில் அமைந்தது. அவர்கள் இருவருக்கும் இடையே இருந்த பாசமும் அந்த விளையாட்டில் தெளிவாக தெரிகிறது. இதனால் இந்த வீடியோவை பலரும் கண்டு ரசித்தனர்.
தற்போது வரை இந்த வீடியோவை 1.3 லட்சத்திற்கும் மேற்பட்டவர்கள் பார்த்துள்ளனர். அத்துடன் பலரும் இந்த வீடியோ குறித்த தங்களின் பதிவுகளை பதிவிட்டு வருகின்றனர். குறிப்பாக சிலர் உலகம் அன்பால் ஆனது, இது மிகவும் ரசிக்க வேண்டிய ஒன்று, நான் பார்த்திலேயே இது மிகவும் சிறப்பான வீடியோக்களில் ஒன்று என்றும் பலர் பதிவிட்டு வருகின்றனர்.
இவ்வாறு பலரும் தங்களின் கருத்துகளை பதிவிட்டு வருவது குறிப்பிடத்தக்கது.
மேலும் படிக்க: கண்ணாமூச்சி ரே ரே.. சிறுமி சொன்னதைக் கேட்டு விளையாட்டை ஸ்டார்ட் செய்த செல்ல நாய்..!