Srilanka: நடுக்கடலில் தத்தளித்த இலங்கை தமிழ் அகதிகள் 303 பேர் மீட்டு வியாட்நாம் அழைத்து செல்லப்பட்டுள்ளனர்.
தத்தளித்த இலங்கை தமிழ் அகதிகள்:
கொழும்பு: கனடா தப்பும் வழியில் படகு பழுதானதால் நடுக்கடலில் தத்தளித்த இலங்கை அகதிகள் 303 பேர் நேற்று மீட்கப்பட்டுள்ளனர். இலங்கையில் கடுமையான பொளாதார நெருக்கடி ஏற்பட்டுள்ளதால் அந்நாட்டு மக்கள் அகதிகளாக வெவ்வேறு நாடுகளுக்கு தப்பிச் செல்லும் சம்பவங்கள் அதிகரித்து வருகின்றன.
இந்நிலையில், 303 பேர் குடும்பம் குடும்பமாக சட்ட விரோதமாக படகு மூலம் கனடா செல்ல முயன்றதாக கூறப்படுகிறது. இவர்கள் சிங்கப்பூர், வியாட்நாம், பிலிப்பைன்ஸ் நாடுகளில் கடல் எல்லைக்கு அருகாமையில் நேற்று முன்தினம் சென்றபோது, படகு திடீரென பழுதாகி உள்ளது.
இதனால் படகு கடலில் மூழ்கத் தொடங்கியதால் அதிலிருந்தவர்கள அச்சம் அடைந்தனர். இதுகுறித்து கடலில் தத்தளித்தபடி உயிருக்கு போராடுவதாக ஆடியோ பதிவு ஒன்று இலங்கை கடற்படைக்கு பகிரப்பட்டது. இதுகுறித்து சிங்கப்பூர் அதிகாரிகளுக்கு தகவல் தெரிவிக்கப்பட்டது.
சிங்கப்பூர், வியாட்நாம் நாட்டின் கடல்சார் தேடல் மற்றும் மீட்பு படையினர் உடனடியாக சம்பவ இடத்திற்கு சென்று மூழ்கிக் கொண்டிருந்த கப்பலில் இருந்த 39 குழந்தைகள், 264 ஆண்கள் என மொத்தம் 303 பேரை மீட்டனர். இவர்களை வியாட்நாம் நாட்டில் இன்று தங்க வைக்கப்பட்டுள்ளனர்.
”இலங்கைக்கு திருப்பி அனுப்ப வேண்டாம்”
இலங்கையில் இருந்த பொருளாதார நெருக்கடியால் தப்பி சென்ற 303 பேர் தற்போது வியாட்நாமில் தங்க வைக்கப்பட்டுள்ளனர். இது குறித்து இலங்கை தமிழ் அகதிகள் கூறியதாவது, " தங்களை இலங்கைக்கு திருப்பி அனுப்பு வேண்டாம்" என தெரிவித்ததாக கூறப்படுகிறது. பொருளாதார நெருக்கடி காரணமாக 303 அகதிகளை இலங்கைக்கு திருப்பி அனுப்பி வியாட்நாம் அரசு திட்டமிட்டுள்ளது குறிப்பிடத்தக்கது.
மேலும், அவர்களின் ஆவணங்களை சரிபார்த்த பிறகுதான் அனைவரும் இலங்கையை சேர்ந்தவர்களா என்பது உறுதிபடுத்தப்படும் என இலங்கை அமைச்சர் இந்திகா டிசில்வா கூறி உள்ளார்.
"இலங்கைக்கு திருப்பி அனுப்பவே திட்டம்"
வியாட்நாமில் தங்க வைக்கப்பட்டுள்ள இலங்கை தமிழ் அகதிகளை மீண்டும் இலங்கைக்கு அழைத்து வர அந்நாட்டு அரசு திட்டமிட்டுள்ளதாக கடல்தொழில்துறை அமைச்சர் டக்ளஸ் தேவானந்தா தெரிவித்துள்ளார். மேலும் அவர் கூறியதாவது, இலங்கையில் தப்பிச் சென்ற 303 பேரை மற்ற நாடுகளில் தங்க வைக்க அந்நாட்டு அரசுகளுக்கு விருப்பமில்லை. பொருளாதார நெருக்கடி பெரும்பால நாடுகளில் இருப்பதால் இவர்களை அங்கு தங்க வைக்க மற்ற நாடுகள் மறுப்பு தெரிவிக்கின்றனர் என்றார்.
மேலும் வியாட்நாமில் தங்க வைக்கப்பட்டுள்ள 303 பேரை இலங்கைக்கு திருப்பி அனுப்பவே இலங்கை அரசு முயற்சி செய்து வருவதாவும் கடல் தொழில்துறை அமைச்சர் டக்ளஸ் தேவானந்தா தெரிவித்துள்ளார்.