பிரதமர் நரேந்திர மோடியை மிகவும் பிரபலமானவர் என்று அழைத்த அமெரிக்க ஜனாதிபதி, அடுத்த மாதம் (பிரதமர் மோடி) அமெரிக்க பயணத்தின் போது ஏற்பாடு செய்யப்பட்டுள்ள இந்தியத் தலைவரின் நிகழ்ச்சிக்கான டிக்கெட்டுகள் தீர்ந்து வருவதாக கூறி ஆட்டோகிராஃப் வாங்கியுள்ளார்.
மோடியை புகழ்ந்த பைடன்
ஜி 7 உச்சிமாநாட்டை ஒட்டி நடைபெற்ற குவாட் கூட்டத்தின் போது, அமெரிக்க அதிபர் பைடன் பிரதமர் மோடியிடம் வந்து, பிரதமர் மோடி நிகழ்ச்சியில் கலந்து கொள்வதால், அந்த நிகழ்விற்கு வரும் குடிமக்களின் வெள்ளம் பெரும் சவாலாக இருக்கும் என்று கூறினார்.
பைடன் பிரதமர் மோடியுடன் பேசும்போது, "ஜனநாயகம் முக்கியம் என்பதை நீங்கள் நிரூபிக்கிறீர்கள்" என்று கூறியதாக தெரிகிறது. "நீங்கள் எனக்கு ஒரு பெரும் பிரச்சனையை ஏற்படுத்துகிறீர்கள். அடுத்த மாதம் (ஜூன் மாதம் பிரதமர் மோடியின் அமெரிக்க பயணத்தின் போது) வாஷிங்டனில் நாங்கள் உங்களுக்கு இரவு உணவு ஏற்பாடு செய்துள்ளோம். நாடு முழுவதும் உள்ள அனைவரும் அதற்கு வர விரும்புகிறார்கள்.
அங்கு டிக்கெட் தீர்ந்து விட்டது. நான் விளையாட்டாக கூறுவதாக நினைக்க வேண்டாம் உண்மையாகவே தீர்ந்துவிட்டது, என் குழுவிடம் வேண்டுமானால் கேளுங்கள். நான் இதுவரை கேள்விப்படாத நபர்களிடமிருந்தெல்லாம், டிக்கெட் கேட்டு எனக்கு தொலைபேசி அழைப்புகள் வருகின்றன. சினிமா நடிகர்கள் முதல் என் உறவினர்கள் வரை அனைவரும் அங்கு வர முயல்கின்றனர். நீங்கள் அவ்வளவு பிரபலமானவர்," என்று அவர் கூறியதாக வட்டாரங்கள் தெரிவித்தன.
உலகம் முழுவதும் தாக்கத்தை ஏற்படுத்துகிறீர்கள்
QUAD இல் மற்ற மூன்று உறுப்பினர்கள் என்ன செய்கிறார்கள் என்பது உட்பட அனைத்திலும் பிரதமர் மோடி குறிப்பிடத்தக்க தாக்கத்தை ஏற்படுத்தியுள்ளார் என்று அவர் மேலும் கூறினார். "நீங்கள் காலநிலையில் ஒரு அடிப்படை மாற்றத்தையும் செய்துள்ளீர்கள். இந்தோ-பசிபிக் பகுதியில் உங்களுக்கு செல்வாக்கு உள்ளது. நீங்கள் ஒரு பெரும் மாற்றத்தை ஏற்படுத்துகிறீர்கள்," என்று பைடன் மேலும் கூறினார். பிரதமர் மோடியுடன் அமெரிக்க அதிபர் பேசும் போது ஆஸ்திரேலியாவின் பிரதமர் அந்தோனி அல்பனீஸும் உடனிருந்தார். பிரதமர் அல்பானீஸ் மற்றும் பைடன் இருவரும் தங்களது வித்தியாசமான சவால்கள் குறித்து பிரதமர் மோடியிடம் புகார் அளித்தனர்.
ஆட்ரோகிராஃப் கேட்ட பைடன்
நரேந்திர மோடி ஸ்டேடியத்தில், 90,000 க்கும் மேற்பட்ட மக்கள் வெள்ளத்தில் பிரதமர் மோடியை வரவேற்றதை ஆஸ்திரேலிய பிரதமர் அல்பானீஸ் மேலும் நினைவு கூர்ந்தார். இதற்கு ஜோ பைடன், பிரதமர் மோடியிடம், "உங்கள் ஆட்ரோகிராஃப் வேண்டும்" என்று கூறினார். பிரதமர் நரேந்திர மோடி ஜூன் 22-ம் தேதி அமெரிக்காவிற்கு அதிகாரப்பூர்வ அரசு முறைப் பயணத்தை மேற்கொள்கிறார். அவரது பயணத்தின் போது, பிரதமர் மோடிக்கு அமெரிக்க அதிபர் ஜோ பைடன் மற்றும் அமெரிக்காவின் முதல் பெண்மணியும், பைடனின் மனைவியுமான ஜில் பைடன் ஆகியோர் வெள்ளை மாளிகையில் அவருக்கு விருந்தளிக்கின்றனர் என்று வெளியுறவு அமைச்சகம் செய்தி அறிக்கை மூலம் தகவல் தெரிவிக்கப்பட்டது.
மோடியின் அமெரிக்க பயணம்
இரு நாடுகளும் ஏற்கனவே பல்வேறு துறைகளில் ஒத்துழைத்து வருவதால், இந்தியாவிற்கும் அமெரிக்காவிற்கும் இடையிலான மூலோபாய கூட்டாண்மையின் வளர்ந்து வரும் முக்கியத்துவத்தை இந்த விஜயம் அடிக்கோடிட்டுக் காட்டும் என்று MEA அறிக்கை மேலும் கூறியுள்ளது.
இதற்கிடையில், வெள்ளை மாளிகை வெளியிட்டுள்ள அறிக்கையில், "ஜனாதிபதி ஜோ பைடன் மற்றும் ஜில் பைடன் ஆகியோர், ஜூன் மாதம் அமெரிக்காவிற்கு உத்தியோகபூர்வ அரசு பயணமாக வரும் இந்திய பிரதமர் நரேந்திர மோடிக்கு விருந்தளிப்பார்கள்," என்று குறிப்பிட்டுள்ளது. இந்த பயணம் இரு நாடுகளின் சுதந்திரமான, திறந்த, வளமான மற்றும் பாதுகாப்பான இந்தோ-பசிபிக் மற்றும் பாதுகாப்பு, தூய்மையான எரிசக்தி மற்றும் விண்வெளி உள்ளிட்ட நமது மூலோபாய தொழில்நுட்ப கூட்டாண்மையை உயர்த்துவதற்கான உறுதிப்பாட்டை வலுப்படுத்தும் என்று கூறப்படுகிறது. "எங்கள் கல்விப் பரிமாற்றங்கள் மற்றும் மக்களிடையேயான உறவுகளை மேலும் விரிவுபடுத்துவதற்கான வழிகள், அத்துடன் காலநிலை மாற்றம், பணியாளர்களின் மேம்பாடு மற்றும் சுகாதாரப் பாதுகாப்பு ஆகியவற்றிலிருந்து பொதுவான சவால்களை எதிர்கொள்வதற்கு நாங்கள் ஒன்றிணைந்து செயல்படுவது குறித்து தலைவர்கள் விவாதிப்பார்கள்" என்று அறிக்கை மேலும் கூறியது.