பாகிஸ்தானின் வடக்கு மலைகளில் பதிவான பருவ மழை மற்றும் பனிப்பாறைகள் உருகியதால் ஏற்பட்ட முன்னெப்போதும் இல்லாத வெள்ளத்தால் இதுவரை கிட்டத்தட்ட 1,300 பேர் பலியாகியுள்ளனர், பாதிக்கப்பட்ட பகுதிகளில் வயிற்றுப்போக்கு மற்றும் மலேரியா போன்ற நீர் மூலம் பரவும் நோய்கள் பரவுவதைத் தடுக்க அதிகாரிகள் முயற்சிகளை முடுக்கிவிட்டுள்ளனர்.


பேரழிவு வெள்ளம் அந்த நாட்டின் மூன்றில் ஒரு பகுதியை மூழ்கடித்துள்ளது, 33 மில்லியனுக்கும் அதிகமான மக்கள் இடம்பெயர்ந்துள்ளனர் மற்றும் பாகிஸ்தானின் ஏற்கனவே தத்தளித்து வரும் பொருளாதாரத்திற்கு 12.5 பில்லியன் அமெரிக்க டாலர்களுக்கு பொருளாதார சேதத்தை ஏற்படுத்தியுள்ளது.


கடந்த 24 மணி நேரத்தில் குறைந்தது 26 பேர் கொல்லப்பட்டனர், ஞாயிற்றுக்கிழமை நிலவரப்படி இறப்பு எண்ணிக்கை 1,290 ஆக உள்ளது, மேலும் 12,588 பேர் காயமடைந்துள்ளனர் என்று தேசிய பேரிடர் மேலாண்மை ஆணையம் (NDMA) தெரிவித்துள்ளது.




சிந்துவில் 492 பேரும், கைபர்-பக்துன்க்வா மாகாணத்தில் 286 பேரும், பலுசிஸ்தானில் 259 பேரும், பஞ்சாபில் 188 பேரும், காஷ்மீரில் 42 பேரும், கில்கிட்-பால்டிஸ்தானில் 22 பேரும், இஸ்லாமாபாத்தில் ஒருவர் உயிரிழந்துள்ளதாக NDMA தெரிவித்துள்ளது.


வெள்ளத்தால் சுமார் 5,563 கிலோமீட்டர் சாலைகள் மற்றும் 243 பாலங்கள் அழிக்கப்பட்டுள்ளன, அதே நேரத்தில் 1,468,019 வீடுகள் பகுதியாகவோ அல்லது முழுமையாக சேதமடைந்துள்ளன மற்றும் 736,459 கால்நடைகள் கொல்லப்பட்டன.


செஹ்வான் மற்றும் பான் சயீதாபாத் நகரங்கள் வெள்ளத்தில் மூழ்காமல் இருப்பதற்காக, மஞ்சர் ஏரியின் கரையை அதிகாரிகள் வெட்டியதால், சிந்து மாகாணம் இன்னும் பாதிப்பை எதிர்கொள்கிறது என்று சிந்து தகவல் அமைச்சர் ஷர்ஜீல் மேமன் தெரிவித்தார்.


"இது ஒரு கடினமான முடிவு [ஆனால்] அதை எடுக்க வேண்டியிருந்தது," என்று அவர் கூறினார். ஐந்து யூனியன் கவுன்சில்களில் உள்ள சுமார் 125,000 பேர் இந்த வெட்டு மூலம் விடுவிக்கப்படும் தண்ணீரால் பாதிக்கப்படுவார்கள் என்று அமைச்சர் கூறினார்.


672,000 க்கும் மேற்பட்ட மக்கள் நிவாரண முகாம்களில் இருப்பதாகவும், அங்கு அரசாங்கம் பாதிக்கப்பட்டவர்களுக்கு உணவு மற்றும் மருந்துகளை வழங்குவதாகவும் மேமன் கூறினார். இதற்கிடையில், சிந்து சுகாதார அமைச்சர் டாக்டர் அஸ்ரா பெச்சுஹோ அளித்த பேட்டியில், குறைந்தபட்சம் 47,000 கர்ப்பிணிப் பெண்கள் மாகாணத்தில் தங்குமிடம் முகாம்களில் இருப்பதாகவும், வெள்ளம் காரணமாக ஆயிரக்கணக்கானோர் பல்வேறு நீர் மூலம் பரவும் நோய்களுக்கு ஆளாகியுள்ளனர் என்றும் கூறினார்.


"134,000 க்கும் மேற்பட்ட வயிற்றுப்போக்கு புகார்கள் மற்றும் 44,000 மலேரியா பாதிப்பு புகார்கள் மாகாணத்தில் பதிவாகியுள்ளன," என்று அவர் மேலும் கூறினார். வெள்ளத்தால் பாதிக்கப்பட்டவர்களில் இதுவரை 100,000க்கும் மேற்பட்டவை தோல் தொடர்பானவை, அதில் 101 பாம்பு கடி மற்றும் 500 நாய் கடி உள்ளிட்டவை பதிவாகியுள்ளதாக டாக்டர் பெச்சுஹோ கூறினார். சிந்து மாகாணத்தில் சுவாச நோய்கள் உள்ளிட்ட பிற கேஸ்கள் அதிகரித்து வருவதாக அவர் கூறினார்


ஆகஸ்ட் 30 அன்று, ஐநா சபையின் மக்கள் தொகை நிதியம் (UNFPA), வெள்ளத்தால் பாதிக்கப்பட்ட பகுதிகளில், நாடு முழுவதும் இந்த மாதம் 73,000 கர்ப்பிணிப் பெண்களுக்குப் பிரசவம் நிகழும் எதிர்பார்க்கப்படுகிறது. 
ஆகஸ்ட் 25 அன்று அரசு அதிகாரப்பூர்வமாக "தேசிய அவசரநிலை" என்று அறிவித்தது, மழை வெள்ளத்தால் 1,200 க்கும் அதிகமானோர் அங்கே கொல்லப்பட்டனர்.