தேசிய பங்குச்சந்தை முறைகேடு : முன்னாள் செயலாக்க அதிகாரி ஆனந்த் சுப்பிரமணியன் கைது

தேசிய பங்குச்சந்தை முறைகேடு தொடர்பான வழக்கில் அதன் முன்னாள் செயலாக்க அதிகாரி ஆனந்த் சுப்பிரமணியனை சிபிஐ அதிகாரிகள் நள்ளிரவில் கைது செய்துள்ளனர். 

தேசிய பங்குச்சந்தை முறைகேடு தொடர்பான வழக்கில் அதன் முன்னாள் செயலாக்க அதிகாரி ஆனந்த் சுப்பிரமணியனை சிபிஐ அதிகாரிகள் நள்ளிரவில் கைது செய்துள்ளனர். செபி வெளியிட்ட அறிக்கையில், "புதிய உண்மைகளை" கருத்தில் கொண்டு கைது செய்யப்பட்டதாக அதிகாரிகள் வெள்ளிக்கிழமை தெரிவித்தனர்.

அவரை கைது செய்வதற்கு முன்பாக ஏஜென்சி சென்னையில் கடந்த மூன்று நாட்களாக அவரிடம் விசாரணை நடத்தப்பட்டது என்று அதிகாரிகள் தெரிவித்தனர். ஆனந்த் சுப்ரமணியன் முதலில் 2013 இல் தேசிய பங்குச் சந்தையில் (NSE) தலைமை மூலோபாய ஆலோசகராக நியமிக்கப்பட்டார், பின்னர் 2015 இல் MD சித்ரா ராமகிருஷ்ணாவால் NSE இன் குழு இயக்க அதிகாரியாக பதவி உயர்வு பெற்றார். 2016 ஆம் ஆண்டில், முறைகேடுகள் குறித்த இவர் மீது குற்றச்சாட்டுகள் எழுந்ததை அடுத்து, அவர் தேசிய பங்குச் சந்தையில் இருந்து வெளியேறினார். 

சுப்பிரமணியனை தலைமை மூலோபாய ஆலோசகராக நியமித்ததில் நிர்வாக குறைபாடுகள் மற்றும் குழு இயக்க அதிகாரி மற்றும் எம்.டி.யின் ஆலோசகராக அவர் மீண்டும் நியமிக்கப்பட்டதில் சித்ரா ராமகிருஷ்ணா மற்றும் பிறர் மீது இந்திய பங்குகள் மற்றும் பரிவர்த்தனை வாரியம் (செபி) குற்றம் சாட்டியுள்ளது.

முன்னதாக, தேசிய பங்குச்சந்தை முன்னாள் தலைமை அதிகாரி சித்ரா ராமகிருஷ்ணனுக்கு தொடர்புடைய இடத்தில் வருமான வரித்துறையினர் சோதனை நடத்தி வருகின்றனர். மேலும், ஆனந்த் சுப்பிரமணியத்தை விதிகளை மீறி தலைமை செயல்பாட்டு அதிகாரியாக நியமித்ததாக இவர் மீது குற்றச்சாட்டு எழுந்துள்ளது. 

சித்ரா ராமகிருஷ்ணன் மீதான புகார்கள் குறித்து பங்குச்சந்தை ஒழுங்குமுறை ஆணையமான செபி விசாரித்து வருகிறது. முன்னதாக,சித்ரா ராமகிருஷ்ணன் 2013 முதல் 2016 இடைப்பட்ட காலத்தில் தேசிய பங்குச் சந்தையின் (NSE) நிர்வாக இயக்குநராகவும், தலைமை நிர்வாக அதிகாரியாகவும் இருந்தார். தொடர்ந்து தனிப்பட்ட காரணங்களுக்காக அந்த பதவியில் இருந்து விலகினார்.

சித்ரா ராமகிருஷ்ணன் இமயமலையில் வசிக்கும் ஆன்மீக குரு ஒருவருடன், பங்குச் சந்தையின் நிதிக் கணிப்புகள், வணிகத் திட்டங்கள் மற்றும் போர்டு நிகழ்ச்சி நிரல் உள்ளிட்ட தகவல்களைப் பகிர்ந்து கொண்டதாக இந்தியப் பங்குகள் மற்றும் பரிவர்த்தனை வாரியம் (செபி) தெரிவித்தது. 

இதுகுறித்து, ராம்கிருஷ்ணாவுக்கு ₹ 3 கோடியும், NSE க்கு ₹ 2 கோடியும், NSE க்கு தலா ₹ 2 கோடியும், NSE முன்னாள் MD மற்றும் CEO ரவி நரேன் சுப்பிரமணியனுக்கும், தலைமை ஒழுங்குமுறை அதிகாரி மற்றும் இணக்க அதிகாரியாக இருந்த V R நரசிம்மனுக்கு ₹ 6 லட்சம் அபராதம் விதித்தது குறிப்பிடத்தக்கது. 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண