தமிழ்நாடு முழுவதும் ஜனவரி 14 ம் தேதி (நேற்று) பொங்கல் பண்டிகை கோலாகலமாக கொண்டாடப்பட்டது. அன்றைய நாளில் புத்தாடை அணிந்து காலையில் சூரியன் விடியும் முன்பே, வீடுகளுக்கு வெளியே பொங்கலிட்டு சூரியனுக்கு படையல் வைத்து, சூரிய பகவானை வரவேற்றனர்.
பொங்கல் பண்டிகையை முன்னிட்டு பல்வேறு அரசியல் தலைவர்கள், திரை பிரபலங்கள் சமூக வலைத்தளங்கள் மூலம் தங்கள் வாழ்த்துகளை பரிமாறி கொண்டனர்.
அதன் தொடர்ச்சியாக, இன்று உழவனின் நண்பனாக இருக்கும், இயற்கைக்கும் கால்நடைகளுக்கும் நன்றி தெரிவிக்கும் நாளான மாட்டுப்பொங்கல் பண்டிகையை தமிழ்நாடு முழுவதும் இன்று மாட்டுப் பொங்கல் பண்டிகையாக கொண்டாடப்பட்டு வருகிறது. தாங்கள் வளர்க்கும் மாடுகளை குலதெய்வங்களாக பாவித்து விவசாயிகள் பொங்கல் வைத்து கும்பிட்டு வருகின்றனர்.
அதிலும் குறிப்பாக தங்களது கால்நடைகள் அதிகளவில் பெருக வேண்டும் என்று பகவான் கிருஷ்ணா் மற்றும் இந்திரன் போன்ற தெய்வங்களை வழிபட்டு,அதன்பின் கால்நடைகளின் கால்களைத் தொட்டு கால்நடைகளை வணங்கி அவற்றிற்கு ஆராத்தி எடுப்பார்கள்.
இன்றைய நாளில் காளைகளையும், பசுக்களையும் குளிப்பாட்டி அவற்றின் கொம்புகளுக்கு வர்ணம்பூசி, பொங்கலிட்டு மகிழ்ந்தனர். அதேபோல், விளைந்த பயிர், காய்கறிகளுடன் பொங்கல் வைத்து மாடுகளுக்கு விருந்து வைத்தனர்.
மாட்டுப் பொங்கல் தமிழ்நாடு மட்டுமின்றி கா்நாடகா மற்றும் ஆந்திரா போன்ற தென் இந்திய மாநிலங்களிலும் வெகு சிறப்பாக கொண்டாடப்படுகிறது. இந்தியா முழுவதும் காளை மற்றும் பசு மாடுகளுக்கென தனி மதிப்பளித்து கடவுள்களாக போற்றுவர். அதுவே, நாளைடைவில் மாட்டு பொங்கல் பண்டிகையாக உருவெடுத்தது.
அவனியாபுரம் ஜல்லிக்கட்டு :
மேலும், ஆண்டுதோறும் இன்று திருச்சி மாவட்டம் திருவெறும்பூர் அருகே உள்ள பெரியசூரியூர் கிராமத்தில் மாட்டு பொங்கல் அன்று தமிழர்களின் வீர விளையாட்டான ஜல்லிக்கட்டு நடத்தப்பட்டு வருகிறது. உலகபுகழ் பெற்ற மதுரை பாலமேடு ஜல்லிக்கட்டும் தற்போது நடைபெற்று வருகிறது.
கால்நடைகளை கௌரவிக்கும் வகையிலும், மனிதர்கள் மற்றும் கால்நடைகளுக்கு இடையே இருக்கும் உறவை உறுதி படுத்தும் வகையிலும் தமிழர்கள் தலைமுறை தலைமுறையாக மாட்டு பொங்கலை திருவிழாக்களாக கொண்டாடி வருகின்றனர்.
பாலமேடு ஜல்லிக்கட்டு நேரலையை https://www.youtube.com/watch?v=a7ScIfCfBlo காணலாம்.
பாலமேடு ஜல்லிக்கட்டை நேரலையில் காண :
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Watch Video | இது பொங்கல் ஸ்பெஷல் வீடியோ.! மின்னும் தாவணியில் ஐஸ்வர்யா மேனன்!