கடந்த வருடத்தில் பெரும் இழப்பை சந்தித்த பின்னர், தமிழகத்தின் அகூர் கிராமத்தில் உள்ள ஒரு விவசாயி தனது மகன் மாநில அரசிடமிருந்து பெற்ற சைக்கிளை நல்ல பயன்பாட்டுக்கு வைக்க முடிவு செய்தார். கொரோனா வைரஸ் தொற்றுநோய்களின் போது இந்தியாவில் விவசாயிகள் பெரும் இழப்பை சந்தித்தனர். கொரோனாவால் பல விவசாயிகள் வருமானத்தை இழந்தனர்.
திருவள்ளூர் மாவட்டம் திருத்தணி அருகே உள்ள அகூர் கிராமத்தைச் சேர்ந்த விவசாயி நாகராஜ். இவர், வயலை பயிரிட, தனது மகனின் சைக்கிளை கலப்பையாக மாற்றியுள்ளார்.
நாகராஜ் மற்றும் அவரது சகோதரர் ஆகியோர் தங்கள் தந்தையின் வயலை கவனித்து வருகின்றனர். அவர்கள் நெல் பயிரிட்ட பிறகு நஷ்டத்தை சந்தித்தனர் மற்றும் கோயில்களில் பிரசாதம் செய்ய மாலைகளை தயாரிப்பதற்குப் பயன்படுத்தப்படும் சம்மங்கி பூக்களை வளர்க்க முடிவு செய்தனர்.
அறுவடை நேரத்தில், கொரோனா பரவுவதைக் கட்டுப்படுத்த நாடு தழுவிய ஊரடங்கு அமல்படுத்தப்பட்டது. ஊரடங்கில் திருமணங்கள் மற்றும் மதக் கூட்டங்கள் மீதான கட்டுப்பாடுகள் விதிக்கப்பட்டதால், நாகராஜனால், அறுவடை செய்ய முடியாமல் போனது.
இதனால், குடும்பம் ஒரு வருடத்திற்கும் மேலாக அவதிப்பட்டது, அவர்களின் சேமிப்பு அனைத்தும் செலவானது. தந்தையின் நிலத்தைத் தவிர வேறு எதுவும் கைவசம் இல்லாத நிலையில், நாகராஜ் நம்பிக்கையின் பாய்ச்சலை எடுத்து மீண்டும் சம்மங்கியை பயிரிட முடிவு செய்தார். இதற்காக, பள்ளி மாணவர்களுக்கு தமிழ்நாடு அரசு வழங்கி தனது மகனின் சைக்கிளை உழவாக மாற்றினார்.
நாகராஜ் தனது சகோதரர் மற்றும் மகனின் உதவியுடன், கடந்த சில மாதங்களாக அவர் சந்தித்த இழப்புகளை ஈடுசெய்ய உறுதியாக இருந்தார். அவர் தனது புதிய உபகரணங்களுடன் நிலத்தை உழுது பல மணி நேரம் வயலில் வேலை செய்யத் தொடங்கினார்.
இதுகுறித்து நாகராஜன், "வேறு வழியில்லாமல், நான் எனது மகனின் சைக்கிளை பயன்படுத்துகிறேன். எனக்கு வேறு வழியில்லை. எனவே, இதை நான் செய்ய வேண்டியிருந்தது. ஆன்லைன் வகுப்புகளில் கலந்துகொண்டுள்ள 11 வயது மகன் தனஞ்செழியன், தந்தை மற்றும் தாத்தாவைப் போலவே விவசாயத்தையும் விரும்புகிறார். வயலில் வேலை செய்யும்போது, நாங்கள் சோர்வடையும் போதெல்லாம், தனஞ்செழியன் எங்களுக்கு உதவி செய்வார்.
"நான் என் அப்பாவுக்கு உணவைக் கொண்டு வரும்போது, நான் உழுவதற்கு அவருக்கு உதவுகிறேன். நான் பிடித்து அழுத்துவேன், அப்பா கலப்பை இழுப்பார்" என்று தனஞ்செழியன் கூறினார்.
நாகராஜின் சகோதரர் அலெக்ஸ் பாண்டியன், சம்மங்கி வளர்ப்பது கடினமான பணி என்றார். மேலும், “முதல் ஆறு மாதங்களுக்கு நீங்கள் எந்த வருமானத்தையும் எதிர்பார்க்க முடியாது. எங்களால் நிலைமையைக் கையாள முடியவில்லை. எனவே, இந்த முறையை நாங்கள் கண்டுபிடித்தோம். ஊரடங்கின்போது, நாங்கள் மிகவும் கஷ்டப்பட்டோம், இந்த நிலம் இப்போது எங்களிடம் உள்ளது. எனவே, அதை விற்க முடியாது" என்று கூறினார்.
அகூர் கிராமத்தில் மட்டும் இதுபோன்ற 800 சிறு விவசாய குடும்பங்கள் உள்ளன. அவர்கள் கடந்த ஆண்டில் பெரும் பாதிப்பை சந்தித்துள்ளனர். தங்களுக்கு மத்திய மற்றும் மாநில அரசுகளிடமிருந்து நிதியுதவி தேவைப்படுகிறது என்று விவசாயிகள் கூறினர்.
Original Story : India Today