தமிழ்நாட்டில் கடந்தாண்டு சட்டமன்ற தேர்தலில் வெற்றி பெற்ற தி.மு.க. ஆட்சிப் பொறுப்பேற்று ஓராண்டு நிறைவு பெற்றுள்ளது. இந்த ஓராண்டில் தி.மு.க. ஆட்சியில் செயல்படுத்தப்பட்ட திட்டங்கள், முதல்வரின் செயல்பாடுகள் குறித்து ஏபிபி சி வோட்டர் இணைந்து கருத்துக்கணிப்பு நடத்தியுள்ளது.
இதில், தமிழக முதல்வர் மு.க.ஸ்டாலினின் வெளிநாட்டு பயணத்தால் தமிழ்நாட்டிற்கு கிடைத்த பயன்கள் குறித்து தமிழக அரசியல் கட்சிகள் கூறிய கருத்துக்களை கீழே காணலாம்.
முதலமைச்சரின் வெளிநாட்டு பயணத்தால் பயன்?
கண்டிப்பாக பலனைத் தரும் :
முதல்வர் மு.க.ஸ்டாலினின் வெளிநாட்டு பயணம் கண்டிப்பாக நல்ல பலனைத் தரும் என்று தி.மு.க. கூட்டணியைச் சார்ந்தவர்கள் 66.5 சதவீதம் பேரும், அ.தி.மு.க. கூட்டணியைச் சார்ந்தவர்கள் 32.1 சதவீதம் பேரும், அ.ம.மு.க.வைச் சார்ந்தவர்கள் 52.9 சதவீதம் பேரும் கருத்து தெரிவித்துள்ளனர். மக்கள் நீதிமய்யத்தினர்42.9 சதவீதம் பேரும் கருத்து தெரிவித்துள்ளனர். நாம் தமிழர் கட்சியினர் 26.7 சதவீதம் பேரும், மற்றவர்கள் 36.4 சதவீதம் பேரும் என மொத்தம் 52 சதவீதம் பேர் முதல்வர் மு.க.ஸ்டாலினின் வெளிநாட்டுப் பயணம் நல்ல பலனைத் தரும் என்று கருத்து தெரிவித்துள்ளனர்.
அநேகமாக பலனைத் தரலாம் :
முதல்வரின் வெளிநாட்டு பயணம் அநேகமாக பலனைத்தரலாம் என்று தி.மு.க. கூட்டணியினர் 17.3 சதவீதம் பேரும், அ.தி.மு.க. கூட்டணியினர் 18.9 சதவீதம் பேரும், அ.ம.மு.க.வினர் 17.6 சதவீதம் பேரும் கருத்து தெரிவித்துள்ளனர். மக்கள் நீதிமய்யத்தினர் 28.6 சதவீதம் பேரும், நாம் தமிழர் கட்சியினர் 33.3 சதவீதம் பேரும், மற்றவர்கள் 18.2 சதவீதம் பேரும் முதல்வரின் பயணம் பலனைத் தர அநேகமாக வாய்ப்பு உள்ளது என்று கூறியுள்ளனர். மொத்தமாக மேற்கண்ட கட்சியினர் 18.9 சதவீதத்தினர் இதே கருத்தை வலியுறுத்தியுள்ளனர்.
முழு கருத்துக் கணிப்பு விவரம் :
பலனைத் தராமலும் போகலாம் :
முதல்வரின் வெளிநாட்டுப் பயணம் பலனைத் தராமலும் போகலாம் என்று தி.மு.க. கூட்டணியைச் சார்ந்தவர்கள் 10.5 சதவீதம் பேரும், அ.தி.மு.க. கூட்டணியைச் சார்ந்தவர்கள் 28.3 சதவீதம் பேரும், அ.ம.மு.க.வினர் 11.8 சதவீதம் பேரும் கூறியுள்ளனர். மக்கள் நீதிமய்யத்தைச் சார்ந்தவர்கள் 21.4 சதவீதம் பேரும், நாம் தமிழர் 20 சதவீதம் பேரும் இதே கருத்தை வலியுறுத்தியுள்ளனர். மற்றவர்கள் 18.2 சதவீதம் பேரும் இந்த கருத்தை வலியுறுத்தியுள்ளனர். மேற்கண்ட கட்சியினரில் மொத்தம் 18.6 சதவீதம் பேர் இதே கருத்தை வலியுறுத்தியுள்ளனர்.
கண்டிப்பாக பலன் அளிக்காது :
முதல்வர் மு.க.ஸ்டாலினின் வெளிநாட்டுப் பயணம் கண்டிப்பாக எந்தவொரு பலனையும் அளிக்காது என்று தி.மு.க. கூட்டணியைச் சார்ந்தவர்கள் 5.8 சதவீதம் பேரும், அ.தி.மு.க. கூட்டணியைச் சார்ந்தவர்கள் 20.8 சதவீதம் பேரும், அ.ம.மு.க.வினர் 11.8 சதவீதம் பேரும் கூறியுள்ளனர். மக்கள் நீதிமய்யத்தினர் 21.4 சதவீதம் பேரும், நாம் தமிழர் கட்சியினர் 20 சதவீதம் பேரும், மற்றவர்கள் 18.2 சதவீதம் பேரும் இதே கருத்தை வலியுறுத்தியுள்ளனர். மொத்தமாக 12.2 சதவீதம் பேரும் இதே கருத்தை தெரிவித்துள்ளனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்