பென்னாகரம் அகழாய்வு பணிகளில் கற்கால கருவிகள், விலங்குகளின் எலும்புகள் என 52 தொல் பொருட்கள் கிடைத்துள்ளது. 2-ம் கட்ட பணியில் மேலும் கிடைக்க வாய்ப்புள்ளது.
தருமபுரி மாவட்டம், பென்னாகரம் அடுத்த பூதிநத்தம் கிராமத்தில் தமிழ்நாடு அரசு தொல்லியல் துறையால் கடந்த ஏப்ரல் மாதம் 6 ஆம் தேதி முதல் அகழாய்வு பணிகள் மேற்கொள்ளப்பட்டு வருகின்றது. இந்த அகழாய்வில் இதுவரை 17 அகழாய்வு குழிகள் தோண்டப்பட்டுள்ளது. இதில் 52-க்கும் மேற்பட்ட தொல் பொருட்கள் கண்டறியப்பட்டுள்ளது. இதில் கடந்த 10.06.2023 அன்று கண்டெடுக்கப்பட்ட கற்கருவியானது C9 என்னும் அகழாய்வு குழியில் சுமார் 36 செ.மீ. ஆழத்தில் கிடைக்கப்பெற்றது.
தற்போது அதே போன்ற மற்றொரு கற்கருவி D9 என்னும் அகழாய்வு குழியில் 28.06.2023 அன்று கண்டெடுக்கப்பட்டுள்ளது. இக்கருவியின் முனை மிகவும் மழுங்கியும் உடைந்தும் காணப்படுவதால் இக்கருவியினை கொண்டு மரத்தினை வெட்டவோ அல்லது வேட்டையாடவோ பயன்படுத்தி இருக்கலாம் என கருத முடிகிறது. மேலும் இக்கற்கால கருவிகள் புதிய கற்காலத்தில் நிலத்தினை உழும் வகையில் ஏர்க்கலப்பையாகவும், வெட்டுவதற்கு கோடரியாகவும் பயன்பட்டிருக்கக்கூடும். இக்கருவி டோலராய்ட் (Doloraid) என்னும் மூலக் கல்லினை கொண்டு செய்யப்பட்டுள்ளது. அதேப்போல் ஒரு குழியில் விலங்குகளில் எலும்புகள் கிடைத்துள்ளது. இந்த எலும்புகள், குதிரை உள்ளிட விலங்குகளை, சுமைகள் எடுத்து கொண்டு இடம்பெயருவற்காக பயன்படுத்தப்பட்டிருக்கலாம். மேலும் ஒரே இடத்தில் பல விலங்கின் எலும்புகள் கிடைத்துள்ளது.
மேலும் பூதிநத்தம் கள ஆய்விலும், அகழாய்விலும் இதுவரை மொத்தமாக 6 புதிய கற்கால கருவிகள் வெவ்வேறு அகழாய்வு குழிகளில் வெவ்வேறு ஆழத்தில் கிடைத்துள்ளது. தொடர்ச்சியாக புதிய கற்கால கருவிகள் கிடைக்கப் பெறுவதாலும் இதனுடன் சங்கு வளையல் துண்டுகள், கண்ணாடி வளையல் துண்டுகள், தக்களி, வட்ட சில்லுகள், சூது பவள மணிகள், கண்ணாடி மணிகள், சுடுமண்ணலான உருவங்கள் கிடைக்கப் பெறுவதாலும், இப்பகுதி இடைக்கால வரலாற்று தொடக்க காலத்தினை சார்ந்தாக கருதப்படுகிறது. மேலும் இடைக்காலத்திலும் புதிய கற்கால கருவியானது தொடர்ச்சியாக இப்பகுதியில் பயன்பாட்டில் இருந்திருக்கலாம் எனவும் கருதப்படுகிறது. மேலும் இரண்டாம் கட்ட அகழாய்வு பணிகள் மேற்கொள்ளும் போது, இன்னும் கூடுதல் பொருட்கள் கிடைக்க வாய்ப்புள்ளது. இதன் தொடர்ச்சியாக அருகில் உள்ள நலப்பரம்பட்டி கிராமத்திலும் அகழாய்வு பணிகள் மேற்கொள்ளப்பட்டு வருவது குறிப்பிடத்தக்கது.
ABP Nadu செய்திகளை டெலிகிராம் செயலி மூலம் உடனுக்குடன் தெரிந்துகொள்ள https://t.me/