நெல்லையில் பல்வேறு அரசியல் நிகழ்ச்சிகளில் கலந்து கொள்ள வருகை தந்த தமிழக சட்டப்பேரவை தலைவர் அப்பாவு செய்தியாளர்களுக்கு பேட்டி அளித்தார். அப்போது அவர் கூறும் பொழுது, அதிமுக கொறாடா வேலுமணி என்னை சந்திக்க வேண்டும் என சென்னையில் உள்ள சட்டப்பேரவை அலுவலகத்திற்கு வந்துள்ளார். என்னை சந்தித்து பேச வேண்டும் என கேட்டுள்ளார். ஆனால் நான் நெல்லையில் நடைபெறும் நிகழ்ச்சியில் கலந்து கொண்டிருப்பதால் நிகழ்ச்சி முடிந்த பின்னர் தொலைபேசியில் பேசுவதாக தெரிவித்துள்ளேன். அதிமுக கொறடா வேலுமணி கடிதம் ஒன்றை கொண்டு வந்துள்ளார். அதனை எனது உதவியாளரிடம் கொடுத்து சென்றுள்ளார். நான் இதுவரை அந்த கடிதத்தை படித்துப் பார்க்கவில்லை. சென்னை சென்று அக்கடிதத்தை படித்து பார்த்தால் அதில் என்ன எழுதியிருக்கிறது என தெரியும்.
கடந்த வாரம் அதிமுக ஒருங்கிணைப்பாளரும், சட்டமன்ற எதிர்க்கட்சித் துணைத் தலைவராகவும் இருந்த ஓ.பன்னீர்செல்வம் எனக்கு ஒரு கடிதத்தை கொடுத்துள்ளார். அது என்னுடைய பரிசீலனையில் உள்ளது. அதே போல எதிர்க்கட்சி கொறாடா வேலுமணி கொடுத்த கடிதத்தை படித்து பார்த்து பரிசீலனை செய்வேன். தமிழக சட்டப்பேரவை தலைவர் என்ற முறையில் ஜனநாயக முறைப்படி சட்டப்படி, விதிப்படி நியாயமாக ஒருதலை பட்சம் இல்லாமல் நடவடிக்கை எடுக்கப்படும். எந்த முடிவாக இருந்தாலும் சட்டத்திற்கும், ஜனநாயகத்திற்கும் உட்பட்டபடி அமையும். தனிப்பட்ட முறையில் யார் மீதும் விருப்பு வெறுப்பு இல்லாமல் நடவடிக்கை எடுக்கப்படும். நீக்கப்பட்ட எம்.எல்.ஏக்கள் உட்பட அதிமுகவினர் அனைவரும் இரட்டை இலையில் இருந்து வெற்றி பெற்று வந்தவர்கள் தான். மற்றபடி அனைத்தும் அவர்களது கட்சியின் உள் விவகாரம். அதில் தலையிட சட்ட மன்ற பேரவை தலைவருக்கோ, இந்த ஆட்சியில் இருப்பவர்களோ தலையிட போவதில்லை. துணை தலைவர் பதவி என்ன காரணத்திற்காக மாற்றப்பட்டுள்ளது என்பதை அவர்களது கடிதத்தின் மூலம் படித்து பார்த்து சட்ட விதி என்ன கூறுகிறது என்று பார்க்க வேண்டும். வழக்கறிஞர் உள்ளிட்டவர்களுடன் ஆய்வு செய்து எதிர்க்கட்சி கொறடா வேலுமணி கொடுத்த கடிதம் குறித்து முடிவெடுக்கப்படும் என தெரிவித்தார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்