பிரபலமான சுற்றுலா தலமாகவும், ஆன்மீக ஸ்தலமாகவும் விளங்கும் சுருளி அருவியில் புனித நீராடி முன்னோர்களுக்கு திதி மற்றும் தர்ப்பணம் செய்து வழிபாடு. இதேபோல் பெரியகுளம் அருள்மிகு பாலசுப்ரமணியசுவாமி கோவில் அருகே உள்ள வராக நதியில் மஹாளய அமாவாசை முன்னிட்டு பொதுமக்கள் புனித நீராடி பிண்டம் வைத்து தங்களது முன்னோர்களுக்கு தர்ப்பணம் செய்து வழிபாடு நடத்தப்படும். தேனி மாவட்டத்தின் முக்கிய சுற்றுலா தலமாக விளங்கும் சுருளி அருவியில் வருடந்தோறும் தேனி மாவட்ட நிர்வாகம் மற்றும் சுற்றுலா துறை சார்பில், சுருளி அருவியில் ஆண்டுதோறும் நடக்கும் பிரபலமான சாரல் விழா இந்த ஆண்டும் இடம்பெற உள்ளது. இந்த வருட விழா நேற்று சனிக்கிழமை மற்றும் இன்று ஞாயிறு இரண்டு நாட்கள் நடைபெறும். விழாவின் முக்கிய நோக்கம், சுற்றுலாவும் கலாச்சார விழாவும் ஒன்றாக இணைந்த நிகழ்வாக மக்களுக்கு அனுபவத்தினை வழங்குவதாகும்.
விடுமுறை நாளில் நடக்கவுள்ள விழா காரணமாக, வருகை தரும் பயணிகள் கூட்டம் அதிகமாக இருக்கும் என எதிர்பார்க்கப்படுகிறது. இதற்காக, இன்று நுழைவு கட்டணம் ரத்து செய்யப்பட்டுள்ளது, இது சுற்றுலா பயணிகளுக்கு சிறப்பு வாய்ப்பாக அமைகிறது. சுற்றுலா துறையுடன் இணைந்த அரசு துறைகள், விழிப்புணர்வு கண்காட்சிகள், பெண்கள் மற்றும் சமூக நலத்துறை சார்பில் விழிப்புணர்வு நிகழ்ச்சிகள் நடத்துகின்றனர். இதன் மூலம் சுற்றுலா பயணிகள் மட்டுமின்றி உள்ளூர் மக்கள், சுற்றுச்சூழல் பாதுகாப்பு, சமூக நலன் மற்றும் கலாச்சார மரபுகளைப் பற்றியும் விழிப்புணர்வு பெறுகின்றனர். இந்த சுருளி சாரல் விழா, பாரம்பரிய கலாச்சாரத்தை, சுற்றுலா அனுபவத்துடன் இணைத்து மக்களுக்கு ஒரு கண்ணோட்டத்தை வழங்கும் முக்கிய நிகழ்வாகும். அரசு துறைகளின், சமூக அமைப்புகளின் மற்றும் மகளிர் குழுக்களின் இணைந்த முயற்சிகள், இந்த விழாவை சுற்றுலா பயணிகள் மற்றும் பொதுமக்களுக்கு மறக்க முடியாத அனுபவமாக மாற்றுகின்றன.