திண்டுக்கல் மற்றும் தேனி மாவட்டத்தில் கடந்த வாரத்தை பொருத்த வரையில் கொரோனா வைரஸ் தொற்றால் பாதிக்கப்பட்டவர்களின் எண்ணிக்கையும், நோய் தொற்று ஏற்பட்டு சிகிச்சை பெறுபவர்களின் எண்ணிக்கையும் குறைந்துகொண்டே வருகிறது. சென்ற மாதத்தில் தேனி மற்றும் திண்டுக்கல் இரு மாவட்டங்களில் நோய் தொற்றானது தினசரி நூற்றுக்கும் கீழ் இருந்து வந்தது. தற்போது நோய் தொற்றின் பாதிப்பு  இரு மாவட்டங்களிலும் ஐம்பதுக்கும் கீழ் குறைந்துள்ளது. கடந்த வாரத்தை பொருத்தவரையில் திண்டுக்கல் மாவட்டத்தில் உயிரிழப்புகள் இல்லாத நிலையில் தேனி மாவட்டத்தில் 7ம் தேதி நேற்று மட்டும் ஒரே நாளில் 5 பேர் நோய் தொற்றால் உயிரிழந்துள்ளனர். திண்டுக்கல் சுகாதார மாவட்டத்தில் மட்டும் கடந்த 5 ம் தேதி வரையில் மொத்தம் 2 லட்சத்து 35 ஆயிரத்து 122 பேருக்கு தடுப்பூசி போடப்பட்டு உள்ளது என்று சுகாதாரத்துறை அதிகாரிகள் தெரிவித்தனர்.



அதன் பின்பு தடுப்பூசிகள் கிடைப்பதில் தட்டுப்பாடு இருந்த நிலையில் இன்று மீண்டும் தடுப்பூசிகள் திண்டுக்கல் மாவட்டத்திற்கு வந்துள்ளது. அதே போல் பழனி சுகாதார மாவட்டத்தில் கடந்த 5 ம் தேதி வரையில் 1 லட்சத்து  73 மூன்றாயிரத்து 810 பேர் தடுப்பூசி போட்டுள்ளனர். திண்டுக்கல் மாவட்டத்தில் கடந்த 4ம் தேதி 35 பேரும் , 5ம் தேதி 31 நபர்களும் நோய் தொற்றால் பாதிக்கப்பட்டிருந்தனர். அன்றைய தேதி வரையில் திண்டுக்கல் மாவட்டத்தில் மட்டும் 31767 பேர் நோய் தொற்றால் பாதிப்படைந்திருந்த நிலையில், 30778 பேர் நோய் தொற்றிலிருந்து குணமடைந்து வீடு திரும்பினர். அன்றைய தேதி வரையில் திண்டுக்கல் மாவட்டத்தில் 603 பேர்  நோய் தொற்றால் உயிரிழந்துள்ளனர். அதன் பின்  6 ம் தேதி 29 பேர் , 7ம் தேதி 25 நபர்களும் நோய் தொற்றால் பாதிக்கப்பட்டிருந்தனர்.   இந்நிலையில் இன்று  திண்டுக்கல் மாவட்டத்தில் மட்டும் 20 நபர்களுக்கு கொரோனா வைரஸ் தொற்று பாதிப்பு கண்டறியப்பட்டுள்ளது. இதனால் கொரோனா பாதிக்கப்பட்டோரின் எண்ணிக்கை 31821ஆக உயர்ந்துள்ளது. அதே போல் இன்று   44 நபர்கள் வைரஸ் தொற்றிலிருந்து குணமடைந்து வீடு திரும்பியுள்ளனர்.



இதனால் சிகிச்சை பெற்று வீடு திரும்பியோர் எண்ணிக்கை 30882-ஆக அதிகரித்துள்ளது.  வைரஸ் தொற்றால் பாதிக்கப்பட்டு திண்டுக்கல் மாவட்டத்தில் மட்டும்  உயிரிழந்தோர் மொத்த எண்ணிக்கை 605. தற்போது 334 பேர் கொரோனா வைரஸ் பாதிப்பால் திண்டுக்கல் மாவட்டத்தில் சிகிச்சை பெற்றுவருகின்றனர். இன்று நோய் தொற்றால் பாதிக்கப்பட்டு 2 பேர்  உயிரிழந்துள்ளனர்.



அதே போல் தேனி மாவட்டத்தில் கடந்த 4ம் தேதி 45 பேரும் , 5ம் தேதி 39 நபர்களும் நோய் தொற்றால் பாதிக்கப்பட்டிருந்தனர். அன்றைய தேதி வரையில்  தேனி மாவட்டத்தில் மட்டும் 42554பேர் நோய் தொற்றால் பாதிப்படைந்திருந்த நிலையில், 41622 பேர் நோய் தொற்றிலிருந்து குணமடைந்து வீடு திரும்பினர். இந்நிலையில்  தேனி மாவட்டத்தில் இன்று 28 நபர்களுக்கு  நோய் தொற்று பாதிப்பு கண்டறியப்பட்டுள்ளது. இதனால் கொரோனா வைரஸ் பாதிக்கப்பட்டோரின் எண்ணிக்கை 42548 -ஆக உயர்ந்துள்ளது. அதே போல் இன்று மட்டும் 27 நபர்கள் குணமடைந்து வீடு திரும்பியுள்ளனர். இதனால் சிகிச்சை பெற்று வீடு திரும்பியோர் எண்ணிக்கை 41754-ஆக குறைந்துள்ளது. தற்போது வரையில் தேனி மாவட்டத்தில் கொரோனாவால் உயிரிழந்தோர் மொத்த எண்ணிக்கை 503 ஆக இருக்கிறது. இன்று 291 பேர்  கொரோனா வைரஸ் பாதிப்பால் தேனி மாவட்டத்தில் சிகிச்சை பெற்றுவருகின்றனர். தேனி மாவட்டத்தில் இன்று உயிரிழப்புகள் ஏதும் இல்லை.