உலக தலைவர்களில் 70 மில்லியன் டிவிட்டர் பாலோயர்களுடன் பிரதமர் நரேந்திர மோடி முதன்மையாக உள்ளார். இவரையடுத்து போப் பிரான்சிஸ் 53 மில்லியன் பாலோயர்களைக்கொண்டுள்ளார்.
சமூக ஊடகங்களின் ஆதிக்கம் தற்போது அதிகமாகிவரும் நிலையில், அதனைப்பயன்படுத்துவோர் எண்ணிக்கையும் நாளுக்கு நாள் அதிகரிக்கிறது. குறிப்பாக மைக்ரோபிளாக்கிங் தளங்களில் மிகவும் பிரபலமானது டிவிட்டர் , இங்கு 140 எழுத்துக்கள் வரை தனிப்பட்ட ஒருவரின் கருத்துக்களை அனுப்ப அனுமதிக்கிறது. இதனைச்சராசரி மக்கள் தவிர, பிரபலங்கள் மற்றும் அரசியல்வாதிகள் வரை தற்பொழுது பயன்படுத்திவருகின்றனர். இந்த வரிசையில் உலக தலைவர்களில் ஒருவராகவும், இந்திய பிரதமராகவும் உள்ள நரேந்திர மோடி கடந்த 2009 ஆம் ஆண்டு குஜராத் மாநில முதல் அமைச்சராக இருந்த காலத்தில் டிவிட்டர் கணக்கினை பயன்படுத்தொடங்கியநிலையில் ட்விட்டரில் தற்போது பதவியில் உள்ள அரசியல்வாதிகளில் அதிகம் பின்பற்றப்படும் அரசியல்வாதி ஆகியுள்ளார் பிரதமர் மோடி.
உலகளவில் அரசியல் கட்சித்தலைவர்கள் மற்றும் முக்கியப்பிரபலங்கள் என அனைவரும் தங்களது கருத்துக்களை மக்களிடையேக் கொண்டு செல்வதற்கு சமூக ஊடகங்களைப்பயன்படுத்த தொடங்கிவிட்டனர் என்றே சொல்லாம். அதன்படி பிரதமராக பதவியேற்றக் காலத்தில் இருந்து வெளிநாடுகளுக்குப் பயணம் மேற்கொண்ட நரேந்திர மோடி, அங்கு சென்ற அனுபவங்கள் மற்றும் மக்களுக்கு என்ன கருத்துக்கள் தெரிவிக்க வேண்டுமோ? அதனை டிவிட்டர் வாயிலாக கூறிவருகிறார். மேலும் டிவிட்டரில் பல்வேறு வீடியோக்களை வெளியட்டு எப்பொழுது சுறுசுறுப்பாக செயல்படுகிறார் மோடி. இதோடு நாட்டின் வளர்ச்சியைப்பற்றிய தனது கருத்துக்களை ஒளிப்பரப்பவும், புதிய சாதனைகளை முன்னிலைப்படுத்தவும் டிவிட்டரை அதிகளவில் மோடி பயன்படுத்தி வரும் நிலையில் தான், 2010 ல் ஒரு லட்சம் பாலோயர்களைக்கொண்ட மோடி கடந்த ஜூன் 2020 ஆம் ஆண்டு 60 மில்லியன் பாலோயர்களைக்கொண்டு டிவிட்டர் கணக்கினை செயல்படுத்திவருகிறார். தற்பொழுது டிவிட்டரில் மோடி 70 மில்லியன் பாலோயர்களை கொண்டுள்ளதோடு மற்ற உலக தலைவர்களையெல்லாம் ஓரம் கட்டிள்ளார்.
இந்நேரத்தில் பிரதமர் நரேந்திர மோடியினைப்போல் மற்ற தலைவர்களுக்கு சமூக ஊடகங்களில் எத்தனை பாலோயர்களைக் கொண்டுள்ளார்கள்? என அறிந்து கொள்வோம். பிரதமர் நரேந்திர மோடிக்கு அடுத்தாற்போல் 53 மில்லியன் என அதிக பாலோயர்களை போப் பிரான்சிஸ் கொண்டுள்ளார். மேலும் அமெரிக்காவின் முன்னாளர் அதிபர் பராக் ஒபாமாவுக்கு 129.8 மில்லியன் பாலோயர்களும், தற்போதைய அதிபராக உள்ள ஜோ பைடனுக்கு டிவிட்டரில் 30.9 மில்லியன் பாலோயர்கள் உள்ளனர். அதேப்போன்று பிரான்ஸ் அதிபர் இம்மானுவேல் மக்ரோனுக்கு 7.1 மில்லியன் டிவிட்டர் பாலோயர்களும் உள்ளனர். முன்னதாக 88.7 மில்லியன் பாலோயர்களோடு டிவிட்டரை மிக சுறுசுறுப்பாக பயன்படுத்தி வந்தவர் அமெரிக்காவின் முன்னாள் அதிபர் டெனால்ட் டிரம்ப். ஆனால் அமெரிக்காவில் நடந்த கலவரங்கள் காரணமாக அவரது டிவிட்டர்கள் கணக்குகள் நிரந்தரமாக முடக்கப்பட்டது குறிப்பிடத்தக்கது.
இதேப்போன்று இந்தியாவினைப்பொறுத்தவரை மத்திய உள்துறை அமைச்சர் அமித்ஷாவுக்கு டிவிட்டரில் 26.3 மில்லியன் பாலோயர்களும், காங்கிரஸ் கட்சியினைச்சேர்ந்த ராகுல் காந்திக்கு 19.4 மில்லியன் பாலோயர்கள் உள்ளனர். இவர்கள் மட்டுமில்லை முக்கிய அரசியல் கட்சித்தலைவர்கள் உள்பட அனைத்துத்தரப்பட்ட மக்களும் டிவிட்டர் தளத்தினை அதிகமாக பயன்படுத்துகின்றனர்.