மேற்கு வங்கத்தில், திரிணாமூல் காங்கிரஸ் எம்.பி.மஹூவா மொய்த்ரா கால்பந்து விளையாடிய புகைப்படங்கள் சமூக வலைதளங்களில் வைரலாகி வருகிறது.
கால்பந்து போட்டி:
மேற்கு வங்க மாநிலம் நாடியாவில் மாவட்ட அளவிலான கால்பந்து போட்டி நடைபெற்றது. இப்போட்டியில் சிறப்பு விருந்தினராக திரிணாமூல் காங்கிரஸ் எம்.பி. மஹூவா மொய்த்ரா கலந்து கொண்டார்.
அப்போது போட்டி நடைபெற்ற மைதானத்தில் இறங்கி கால்பந்து விளையாடினார். புடவை அணிந்து விளையாடும் புகைப்படங்களை எம்.பி. .மஹூவா மொய்த்ரா ட்விட்டரில் பகிர்ந்துள்ளார்.
அவர் குறிப்பிட்டுள்ள ட்விட்டர் பதிவில், கால்பந்து போட்டியில் மகிழ்ச்சியான தருணங்கள் என குறிப்பிட்டுள்ளார். மேலும், ஆம் நான் புடவையில் விளையாடினேன் என குறிப்பிட்டுள்ளார்.
தற்போது, அவர் பதிவிட்டுள்ள புகைப்படங்களை பலரும் பகிர்ந்து வருகின்றனர்.