மத்திய பிரதேசம் மாநிலத்தில் உள்ள லோதியா குந்த பகுதியில் உள்ள நீர்வீழ்ச்சிக்கு அருகே உள்ள குளத்தில் கட்டுபாட்டை இழந்த கார் கவிழ்ந்த விபத்தில் சிறுமி மற்றும் ஒருவர் காயமடைந்துள்ளனர்.
குளத்தில் கவிழ்ந்த கார்:
லோதியா குந்த பகுதியில் உள்ள குளம் ஒன்றில் சிகப்பு நிற கார் ஒன்று கட்டுப்பாட்டை இழந்து உள்ளே விழுந்தது. இந்தக் காட்சியை அருகிலிருந்து பார்த்தவர்கள் பதறி அவர்களை காப்பாற்ற முயன்றனர். இந்த விபத்து வீடியோ சமூக வலைதளங்களில் வைரல் ஆகி வருவதோடு பலரும் பதற்றத்துடன் கமெண்ட் செய்து வருகின்றனர்.
வீடியோவில் கார் ஒன்று கட்டுப்பாட்டை இழந்து குளத்திற்கு விழுகிறது. அங்குள்ள சுற்றுலா பயணிகள் பதற்றத்துடன் கத்துகின்றனர். கார் உள்ளே இருந்து சிறுமியின் குரலும், அவரது தந்தையின் குரலும் கேட்கிறது. கார் வேகமாக குளத்திற்குள் விழுகிறது. தந்தை உடனே சிறுமியை காப்பாற்றுவதற்காக செல்கிறார். தந்தை கார் கீழே விழுவதற்கு முன்பே குதிக்க முற்பட்டார். தந்தை சிறுமி மூழ்குவதிலிருந்து காப்பாறினார். அருகில் இருந்தவர்கள் இருவரையும் காப்பாற்றினர். இருவரும் மருத்துவமனையில் சிகிச்சை பெற்று வருவதாக தெரிவிக்கப்பட்டுள்ளது.
காரில் இருந்த சுனில் மேத்யூ தனியார் நிறுவனம் ஒன்றில் பணி செய்து வருதாக அப்பகுதியின் காவல் துறை எஸ்.ஐ. தெரிவித்துள்ளார். கார் நீர்வீழ்ச்சியில் கட்டுப்பாட்டை இழந்து விழுந்த்தாக மேத்யூ தெரிவித்தார்.