தமிழ்நாடு:
* தி.மு.க.வில் இருந்து பா.ஜ.க.விற்கு சென்ற எம்.எல்.ஏ. கு.க.செல்வம் மீண்டும் முதல்வர் மு.க.ஸ்டாலின் முன்னிலையில் தி.மு.க.வில் இணைந்தார்.
* பெரும்பாலான கொரோனா கட்டுப்பாடுகள் நீக்கம். இரண்டு ஆண்டுகளுக்கு பிறகு நர்சர் பள்ளிகளை திறக்க தமிழ்நாடு அரசு அனுமதி.
* தமிழ்நாட்டில் தியேட்டர்களில் மீண்டும் 100% பார்வையாளர்களுக்கு அனுமதி. வணிக வளாகங்கள், கடைகளும் முழுமையாக செயல்படலாம் என்று அறிவிப்பு.
* சென்னை உயர்நீதிமன்ற தலைமை நீதிபதியாக முனீஸ்வர் நாத் பண்டாரி நாளை பதவியேற்கிறார்.
* தென் மாவட்டங்களில் மழைக்கு வாய்ப்புள்ளதாக சென்னை வானிலை மையம் தகவல்.
* ஒற்றை ஆட்சிக்கான ஒன்றிய அரசின் முழக்கங்கள் மிகவும் ஆபத்து. நாடு முழுவதும் மாநில சுயாட்சியை மலர வைப்போம் - முதலமைச்சர் ஸ்டாலின்
இந்தியா:
* திரிணாமூல் காங்கிரஸின் அனைத்து பதவிகளும் கலைப்பு: புதிய செயற்குழு அமைத்தார் மம்தா பானர்ஜி..
* பஜாஜ் குழும தலைவரான ராகுல் பஜாஜ் உடல்நலக்குறைவு காரணமாக காலமானார். அவரது மறைவிற்கு அரசியல் தலைவர்கள், பிரபலங்கள் இரங்கல்
* இஓஎஸ்-04 செயற்கைக் கோள் நாளை விண்ணில் பாய்கிறது. இறுதிக்கட்டப் பணிகளில் இஸ்ரோ விஞ்ஞானிகள் தீவிரம்.
* விமான நிலையத்தில் கட்டாய கொரோனா பரிசோதனைகள் கிடையாது. புதிய விதிகள் நாளை முதல் அமலாகிறது.
உலகம்:
* இந்தியாவின் உள்நாட்டு விவகாரங்களில் வெளிநாடுகள் தலையிட வேண்டாம் - ஹிஜாப் விவகாரத்தில் உலக நாடுகளுக்கு இந்தியா வலியுறுத்தல்
* இங்கிலாந்தைச் சேர்ந்த ஃபிட்னெஸ் இன்ஃப்ளூயென்சர் லெக்ஸி ரீட் தற்போது மருத்துவமனையில் அனுமதி. அவர் கோமாவில் இருப்பதாகவும், அவரது உறுப்புகள் செயலிழந்து வருவதாகவும் அவரது கணவர் தகவல்.
* ரஷ்யா உக்ரைன் மீது படையெடுத்தால்,அமெரிக்காவும் அதன் நட்பு நாடுகளும் பதிலடி கொடுக்கும் - புடினுக்கு பைடன் எச்சரிக்கை
விளையாட்டு:
* முதல் நாள் ஐபிஎல் ஏலத்தில் 20 வெளிநாட்டவர் உள்பட 74 வீரர்கள் ,மட்டுமே தேர்வு செய்யப்பட்டனர். சுரேஷ் ரெய்னா, ஸ்டீவ் ஸ்மித் உள்ளிட்ட சிலரை வாங்க யாரும் முன்வரவில்லை. இதனால் ரசிகர்கள் ஏமாற்றம்.
* ஐபிஎல் மெகா ஏலத்தில் அதிகபட்ச தொகையாக இந்திய வீரர் இஷான் கிஷனை ரூ.15.25 கோடிக்கு மும்பை இந்தியன்ஸ் ஏலம் எடுத்தது.
* சென்னை சூப்பர் கிங்ஸ் அணிக்காக விளையாடி வந்த தீபக் சஹர், 14 கோடி ரூபாய்க்கு மீண்டும் அதே அணியால் எடுக்கப்பட்டார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்